.ஐღ. Zo0oZ .ღஐ.

طـنـّـش همومك و فوّض أمرك لله

2011-09-22T20:20:00.000-07:00

مقوله عجبتني .. صحيح مش دايما بنقدر نعملها
بس بجد هي سليمة و مفيده جدا

لانه باختصار .. لن يصيبك إلا ما كتبه الله لك ولا رادّ لقضاؤه

فيه حاجات بـيبقى مفيش في إيدك حاجه تعملها

المقولة هي

عليك باستخدام منهـج التطنيــش
إذا تذكـّت مـآسي الماضي فـ طنــّـش

إذا طرق سمعــك كلمـة نابيـه فـ طنــّـش

و إذا أسـاء لك مسـئ فـ أعف و طنــّـش

و إذا فاتـك حظ من حظـوظ الدنيـا فـ طنــّـش

لأن الحيـــاه قصيـره

لا تحتمل التدقــيق

بل عليك بمنهـج القرآن الكريم
قال تعالى : خـذِ العفـو و أمـُر بالعـُرف و أعـرِض عن الجاهلـين

آية رقم 199 من سورة الأعـراف

بس بعد كل ده .. إيـّاك اللي يقرا الموضوع هنا يطنــّـش يكتب تعليقه
:)

.

لا تنظر أسفـل قدمـك

2010-12-25T14:54:00.000-08:00

الحياه طريق .. نعلم بدايته ولا نعلم نهايته

ليس لدينا خيار سوى السير فيه .. قد نتعثر .. نسقط .. نشعر بالانكسار و لكن الطريق يبقى أمامنا

فـ نستجمع قوانا و ننهض من جديد

عثراتنا و سقطاتنا ما هي الا علامات تركت أثرها بداخلنا لتعلـّـمنا كيف نكمل الطريق

لا تسمح لسقطة أن تكسرك .. و لا لضعف ان يغلبك .. و انهض

ابحث عن أجمل ما فيك .. ابحث عن إيمانك بالخير و قناعاتك الباقية .. هذا الطريق فاني .. و لكن عملك باقي لا يفنى

لا تنظر أسفل قدمك فـ تقف ثابت بلا حراك .. ولا تنظر إلى أعالي السماء فـ تتعثر بحجر صغير على الارض .. و لكن انظر أمامك تجد كل الطرق قرب يديك بخطواتك الواثقه

من دون الحزن لا نعرف طعم السعاده .. و من دون الصمت لا ندرك قيمة الكلام

ابحث في أعماقك عن جمال فطرتك التي خلقت بها و اترك زخرف القول و سطحيات الحياه و كل ما له بريق زائف

إسعـَد بحامل المسك .. ولا تندم على حامل الكير .. فالصداقة كنـز لا يفهمـه كثيرون !! يكفيك ما تجده في صديق خير عن ما تجده في عشرات ممن يدّعون صداقتك ولا يدركون معناها الحقيقي

و تذكــّـر قبل كل ذلك

ان من أوجدك في هذا الطريق منذ البدايه ليس بغافل عنك .. و هو - سبحانه - عند حسن ظنك به

فلا تنشغل بالطريق عن خالق الطريق

و اجعل قلبك يضئ بما فيه من خير حتى تتمكن من السير في كل خطوه من حياتك

YOU still can .. if YOU believe

2010-09-18T14:49:00.000-07:00

في الدنيا بنقابل حاجات كتير ممكن تسبب لنا الإحباط

مواقف سخيفه نمر بها

أو ناس تشاؤمية ترجعنا بالطريق لورا بدل ما نمشي فيه لقدام

ممكن يكون في بالنا بداية فكرة لحاجه حلوه نفسنا نعملها أو حاسين انها هاتحقق لنا نجاحات في المستقبل .. حتى لو كانت النجاحات دي مقتصره على ذاتنا .. أو لو كانت نجاحات تتخطى حدود محيطنا لعالم تاني أوسع

مهما كانت الحواجز اللي هاتقف قدامنا بكل أنواعها لازم يكون عندنا الاراده و الإصرار إننا نكمل

و مع كل اللي بنمر به لازم يكون عندنا القناعه و الثقه في النفس إننا نمشي في طريقنا لقدام بدون ما نبص ورانا طالما طريقنا اللي اختارناه ده كان طريق سليم و ايجابي في حياتنا

و بالوقت هانلاقي اننا بنقوى أكتر و أكتر .. مش بس بقناعتنا .. لكن حتى بالمواقف الصعبة اللي مرينا بها

باحب جداً المثل اللي بيقول : الضربة اللي ما تكسرك , تقوّيـك

إلغي من حياتك اي شخص سلبي ممكن ينزل بك لتحت أو يخليك محتار في مكانك

و استعين بالله سبحانه و تعالى فهو خيـــر معين

لأي فكرة أو قرار تاخده في حياتك .. احكم فيه بعقلك و اتأكد من خلال دينك و أخلاقك و تفكيرك السليم انه فعلا لو عملته هايكون حاجه ايجابيه .. ومن بعدها إثبت عليه مهما طال الوقت لتنفيذه .. اصـبر و خلي قناعتك بانك قادر تحققه و ساعتها هاتحققه ان شاء الله

شوفوا الفيديو اللي تحت هنا .. عجبـــني جداً

! والله عيب عليكي يا .. كذبة الفيس بوك !

2010-09-16T00:31:00.000-07:00

قبل ما اتكلم عن الموضوع أتمنى تسامحوني عن أي انفعال في التعبير عنه لانه بجد حاجه حرقت دمي

!!!!

لما بأشوف أفلام أو برامج أو كليبات هابطه أجنبيه كنت أعرف حاجتين : انه هذه عادات الغرب و هم أحرار فيها مع نفسهم .. و تاني حاجه انها بتوصل لشباب العرب و المسلمين لتدمير فكره و ثقافته و عقليته و الانحدار بهم لادني مستوى لان هذا أهم هدف بيتمناه العالم الغربي لكل بلادنا العربية و الاسلامية و اللي للاسف ابتدى العرب نفسهم يساعدوهم فيه

و هذا هو موضوعي اليوم !! مصيبة لما يكون العرب هم اللي بيدمروا نفسهم و شبابهم و عقول أطفالهم و أجيالهم الجاية بإيديهم

بالصدفه .. شفت على النت فيديو كليب لبنت صغيره بعنوان " كذبة الفيس بوك " .. قبل ما أشوف الكليب اتوقعت انه أكيد بيعايبوا على الكذب اللي بيحصل في التعارف من خلال النت و بيحاولوا يوصلوا الرساله هذه للاطفال عشان ياخدوا بالهم لما يدخلوا ع النت .. لكن لقيت الموضوع مختلف تماما

وحده - وأنا آسفه وانا باقول عنها بنت صغيره - بتوصف للناس ازاي عايزه تجرب حظها في الحب و معرفة الشباب من الفيس بوك !!! المخلوقة اللي عامله الكليب هذا أعتقد انه لا يتجاوز عمرها الـ 13 سنه تقريبا و بتوضح للأجيال الصاعده كيف تحط صور خليعه على النت لجذب الشباب !! و كيف قلبها دق مع أول شاب " كول" اتعرفت عليه !! و ابتدت بينهم موبايلات لحد ما اتقابلوا وكان كل واحد منهم عامل انه عنده 25 سنه !! كله كوم و الاسلوب و الرقص اللي بتعمله في الكليب هذا كوم تاني

بجد بجد استغفر الله العظيم على مستوى الانحطاط بعقول الناس و الاطفال بالذات !! هو هذا كل همهم ؟؟ مستعجله على معرفة الشباب ؟؟

سبحان الله .. الواحد أو الواحده مننا بتكبر و تتمنى ان طفولتها ترجع لها من تاني و تعيش أيامها الحلوه فيها .. و هذه موجوده في طفولتها أو حتى بداية مراهقتها و عايزه تنط بالزمن للي أكبر من سنها و ياريته كمان في حاجة صح !! مستعجله على ايييييييييييه ؟؟ بكره تشدي في شعرك لـــو كان هذا أسلوب الحياه اللي ناوياه لنفسك من أولها

مش متخيله أهلها لما نزلوا الفيديو كليب لبنتهم هذا كان ايش احساسهم ؟؟ أبوها مثلا قعد يصقف لها ؟؟ ولا أمها باستها في آخر الكليب و قالتلها كنتي قمر يا لولو !!؟؟ مش عارفه مين اللي يتحاسب على الكليبات هذه ؟؟ اذا كانوا الاهالي بايعين بناتهم و ما يعرفوش ايش هو معنى التربية .. أو معنى انه الله هايحاسبك على رعيتك لأهل بيتك !! طب بلاش البنت و أهلها .. أصحاب العمل الفني الجباااااار هذا كانت وين عقولهم ساعتها ؟؟؟ عادي يعني لو عيالهم شافوه و عملوا زيها ؟؟

عارفه انه الاجيال الصاعده عارفين حاجات كتير احنا ما كناش نعرفها و احنا في سنهم .. أو حتى نعرفها لكن كان عندنا الخجل و الحيااااااء اننا نتكلم فيها او نحاول نعيشها قبل أوانها .. لكن الناس اللي عاملين الفيديو بيفسدووووا باقي الاجيـال المحتـرميـــــن وكأنهم بيقولولهم اتفضلوا " هي دي الروشنه بجد " و اللي محتار أو محتاره تجرب بس !! اه تجرب .. تجرب الغباء و المستوى المنحدر من التفكير .. تجرب تلهي نفسها عن اي حاجه مهمه في الدنيا و مفيده لحياتها و تقعد بس على الفيس بوك تلملم شباب ضايع اصلا !! ايييييييييه التخلف اللي بنوصل به بأجيالنا الجايه ده ؟؟ هم دول جيل المستقبل اللي هايبنوا بيوت و يحرروا بلادنا و يربوا ناس تانيه من بعدهم ؟؟ كيف يربوا اذا كانوا هم نفسهم محتاجين تربيه وما لاقوهاش !! فعلا ناس غريبة

طبعا القناه و المنتجين هم المستفيد الاول و الاخير من كل التخلف هذا .. ولا هايقعدوا يفكروا لا في أجيال طالعه ولا أجيال نازله .. و ان الله محاسبهم على ذنب كل مخلوق شاف الكليب هذا و ضاع أو ضاعت بسببه .. كل هذا مش مهم .. المهم الفلوووووس !! مع انه الفلوس مش هاتنفعهم لما يكونوا في قبرهم لوحدهم قدام اللي خلقهم .. ولا رقص البنت هذه و فرحتها انها بقت مطربة الفن الهابط هذه هاتنفعها برضو لما تكون في قبرها لوحدها قدام اللي خلقها .. هي فعلا بنت مستفزه لكن مسكينه .. مسكينه بجد انها مظلومة بأهل ما عرفوهاش وين طريق الخير اللي هاينفعها في الدنيا و الاخره .. يمكن تفرح لها كم يوم وسط صاحباتها و تقول واااااو طلعلي كليب مفيش منه - و يارب ما يجي منه ولا يجي زيه تاني ابدا - لكن فرحتها هذه هاتفضل لامتى ؟؟ هاتشيلها معاها ليوم القيامه و لما يسألها الله سبحانه و تعالى هاتقوله : انا طلعت كليب هابط كنت باتنطط فيه و خليت عيال كتير يقلدوني !!؟

الله يهديها و يهدي أهلها اللي وصلوها للطريق هذا !! و يهدي كل طفل او طفلة أو مراهق أو مراهقة ممكن يشوفوا الفيديو كليب هذا عن انهم يمشوا في هالطريق .. يارب يعرفوا انه طريق فرحته مزيفه ومش مستمره

و حسبي الله و نعم الوكيل على كل شخص ما بيراعيش الله ثم ضميره على اللي بيعمله في الناس .. خصوصا المراهقين و كل أجيالنا العربية و الاسلامية

هديـة رمضــان 1431 هـ

2010-09-02T01:57:00.000-07:00

بسم الله الرحمن الرحيم

لتحميل الاسطوانة .. من داخل الرابط التالي

http://www.knoon.com/rwasn/pageother.php?catsmktba=61

== موقع كنون رااااائع و به المزيد ==

بالاضافة إلى قصة فاتن و صالح في الفلاش الرائع هذا

للمشاهدة بالحجم الأصلي من داخل موقع كنون

http://www.knoon.com/rwasn/play-1108.html

و قصة فايــز أيضاً في الفلاش التالي

للمشاهدة بالحجم الأصلي من داخل موقع كنون

http://www.knoon.com/rwasn/play.php?catsmktba=26

ساعد في النشر .. جزاكم الله خير

و ذكــّـر

2010-08-30T00:51:00.000-07:00

بسم الله الرحمن الرحيم

قال تعالى : و ذكــّـر فإن الذكرى تنفع المؤمنين

ستجد هنا أجمل موقع إلكتروني يشمل كل شئ تحتاجه

خلال شهر رمضان المبارك و غير شهر رمضان

فعلا موقع أكثر من راااااااااااااائع

http://www.wathakker.net/

http://www.wathakker.net/ramadan/ar_ramadan.html

ساعد في نشره مع الاستفاده منه

كافيه ستار بكس .. StarBucks Coffee

2009-05-16T00:55:00.000-07:00

بسم الله الرحمن الرحيم

كل المكتوب في البوست هنا وصلني في ايميل أشكر صاحبه أو صاحبته اللي جمعت كل المعلومات دي .. كنت عارفه كل المعلومات اللي فيه من حوالي أربع سنين أو أكتر و لا عمري فكرت أدخل الكافيه ده .. لكن ماكنتش لاقيه كمية البيانات الكافيه عنه بالشكل الواضح هنا عشان أنشرها .. هاتلاقواكل الاسرار و الجرائم لأصحاب الكافيه الحقيقيين

الكلام كله واضح و مش باقي حاجه أقولها بعده غير : يا ترى الناس دول هايفضلوا يستهبلونا لإمتى و احنا ماشيين وراهم !!!؟؟

--------

ستار بوكس
والعلامــهـ المميزه
وبكامل نكهته

ستار بوكس .. ... وهل يخفى القمر
؟؟؟
ومين فينا مايعرفه
؟؟؟
أكيد الكل عارفينه .. فأنت إن لم تكن من مرتاديه

فلابد انك قد رأيته ولو لم تدخله

وان لم تكن رأيته فبتأكيد قد سمعت عنه
وان لم تعرف عنه فستعرف الآن سر تميز

هذا المقهى عن سائر المقاهي بالعالم

هل تعلمون ماالمميز بكوب الكابتشيون هذا
من ستار بوكس

فهو ليس مجرد قهوه عاديه
مضاف إليها + سكر + وحليب + ماء
وكريمـا الفنيليا

لا

أن مايميز هذا الكوب من القهوى عن بقيه اكواب قهوه المقاهي أنه بشربك فقط 10 أكواب منه

ترسل رصاصة مصوبة في رأس طفل فلسطيني

ولاتنسى .. ان تبتسم فانت ... المارد السحري .... لستار بوكس
هذا ما يميزهذا الكوب

نكهته ... الإجرام

ولونه ... الــدم ورائحه... الموت

( ستار بوكس وما يدريك يا مارد ما قصه شعار ستار بوكس )

ماردنا الحبيب هل تسائلت يوما عن سر وجود تلك المرأة الغريبة .. ذات الشعر الغجري في كوب قهوتك المميزه و ماهي حكياتها

بطلتنا هي الملكة
(( اسـتير ))

إيستر هي حامية اليهود و بطلة السفر المسمى باسمها فى الكتاب المقدس

وأستير وصفها الكتاب بأنها فتاه يهودية يتيمه 'لم يكن لها أب ولا أم.. وعند موت أبيها وأمها اتخذها مردخاي لنفسه
ابنة' فلما سبى مردخاى من أورشليم مع السبى الذى سبى منيكنيا ملك يهوذا الذى سباه نبوخذ نصر ملك بابل, أخذ مردخاى أبنة عمة معه الى مدينه (شوش) التى كانت عاصمة مملكة فارس. وكانت إستير 'جميلة الصورة وحسنة المنظر' فلما طلب الملك أحشويرس أن يجمعوا لة كل الفتيات العذارى الحسنات المنظر ليختار من بينهم واحده تملك مكان 'وشتى' الملكة السابقة
أخذت إستير إلى بيت الملك مع باقى الفتيات المختارات. وبالنظر لأنها حسنت فى عينى الملك ونالت نعمة من بين يدية, فقد انتخبت ضمن السبع الفتيات المختارات اللواتى نقلن إلى أحسن مكان فى بيت النساء. 'فأحضروها لتمثل أمام الملك الذي عجب بها و أحبها أكثر من جميع العذارى. فوضع تاج الملك على رأسها وملكها كل شيء

طيب نجي للبطل الرجل الحبوب

صاحب محلات هالقهوه المميزه جدا من يكون .. ياترى .. و ايش يطلع ؟؟
هو

Howard Schultz

*** السيرة الذاتيه ***

لازم يحصلكم الشرف
الديانه : يهودي اباً عن جد
ومن اليهود المتعصبين جداً لإسرائيل

وتقدر تبرعاته بمئات الملايين للجيش الإسرائيلي
حيث يتبنى هاورد الكثير من تكلفة تطوير الأسلحة الخاصة بالجيش الإسرائيليعلاوة على ان جميع خدمات ستاربكس تقدم مجاناً للجيش الإسرائيلي طوال العام

Starbucks 'proudly serving' the occupation

مايعرف عنه : تعصبه الشديد لإسرائيل
لدرجة انه دائماً يثير المشاكل مع رجال الإعمال اليهود لزيادة التبرعات لإسرائيل ودعمه الكامل والشامل لإيصال هذه التبرعات بسلام لإسرائيل ؟؟؟؟؟؟؟

تأملوا بس في طلعه البهيه تراه مبسوط منكم و يضحك لكم

وتأكيدا مني على إيضاح دعمه القوي

فضلاً .. تفحصوا الروابط التالية
http://www.jlaw.com/Commentary/blankettrust.html

في هذا الرابط ستجدون بيان كتبه المؤسس.. يسرد فيه..مبادئه
وقصه.. مع الحاخام عند زيارته لإسرائيل وتلبيته لندأء الواجب ودعمه الاخوانه في الدين
* .. الدين اليهودي ..*
http://courses.washington.edu/commedia/projects/418_dotcom/beans_of_war/conflict.html
هذا مقال جدا رائع لكاتب أمركي يعترض على هاورد وتبراعاته

حيث أنهى مقاله بعباره جدا رائعه

As you come across your local Starbucks sandwiched near your favorite grocery store or in your office building, ask yourself how much of my $3.25 mocha is going towards the death of an innocent child, woman or man. You are making the choice with your dollar and whether you know it or not, you are making a statement and taking a stand

حينما تصادف في طريقك محل لستاربوكس بجنب بقالتك او مبنى مكتبك ، إسأل نفسك كم 3.25 دولار أدفعها في كوب موكا ستتسبب في موت طفل بريء
أو إمرأة أو رجل , دولاراتك هي التي ستحدد مصيره هؤلاء
فبيدك الاختيار واتخاذ القرار

تأملوا ... مين إلي قال ...هذا.. الكلام هذا واحد.. أمريكي .. مسيحي مو واحد مسلم الدور والباقي لكم أنتم .. يامسلمين

أدخل هذا الرابط لتعرف المزيد عن هاورد

http://www.alasr.ws/index.cfm?method=home.con&contentID=6150&keywords=%D3%CA%C7%D1

أما عن الشركه

ستار بكس شركة يهودية رئيسها هو هوارد سولتز أحد أبرز اركان اللوبى اليهودى الامريكى رأسمال الشركة : مليار و352 مليون دولار لها أفرع في العديد من دول العالم قدرت بنحو 13425 مقهى في أمريكا فقط النصف

صور من الموقع الرسمى للشركه تضوح فيها دعمها

Awards Page Mystery
Its interesting that the Israel 50th Anniversary Award given to Howard Schultz was once displayed with pride on the Starbucks website on the companys 'Awards and Accolades' page but since the boycott started biting it has mysteriously disappeared from the page

الترجمه :
أعماله للاهتمام ب ..إسرائيل 50th الذكرى جائزة تمنح لمرة واحدة وكان هوارد شولتز عرضها بكل فخر على موقع ستاربكس على شركة 'الجوائز والتقديرات' صفحة ولكن منذ بدأت مقاطعة
انها اختفت بشكل غامض من الصفحة

Original page(above) listing Howard Shultz Israel Award as an award for Starbucks can still be seen at http://web.archive.org/web/20010502093522/www.starbucks.com/aboutus/recognition.asp?cookie_test=1. The new page is shown below with no mention of the israeli connection

الترجمه :
الصفحة الأصلية (أعلاه) قائمة هوارد شولتز لاسرائيل كما منح جائزة لستاربكس لا يزال من الممكن النظر في http://www.archive.org/. الصفحة الجديدة هو مبين أدناه مع أي ذكر للإسرائيلية الصدد.

ادخل هنا للموقع الرسمي للشركة http://www.starbucks.com/

اذهب إلى about us(من نحن) ثم the company الشركة ثم timeline and history تاريخ الشركة وتطورهاستجد التالي 1971 Starbucks opens its first location in Seattle's Pike Place Market. 1982 Howard Schultz joins Starbucks as director of retail operations and marketing. Starbucks begins providing coffee to fine restaurants and espresso bars. 1983 Schultz travels to Italy, where he's impressed with the popularity of espresso bars in Milan. He sees the potential in Seattle to develop a similar coffee bar culture

باختصار تبدأ قصة ستار بكس في سياتل في أمريكا على يد هاورد شولتز الذي سافر إلى ايطاليا وهناك خطرت لديه فكرة فتح مقهى للقهوة في سياتل ثم تتابعت الفروع عبر أنحاء العالم لتصل إلى 7255 فرع
!!!
وبما انو هذا الكوفي صار منتشر بكل المنطاق

والبلدان العالميه والعربيه والاسلاميه تحديدا

فصار موغريب انك تلقى هالكوفي حتى بجوار الحرم المكي شفتم ..الخدمه ممتازهوتوسع الرهيــب
.. لاحول ولاقوه إلا بالله ...
غريب .......!!!!!! لا

شوفوا هذه صورة ستار بكس الجديد في الأبراج الجديده في حدود الحرم المكي الشريف .. ياسلام

تتخيــلون أن تُدعم إسرائيل من محل يهودي بجانب الحرم

!!!

حسبي الله ونعم الوكيل المفروض يُقفـل هذا المحل وعدم التصريح لهم بدخول مكه للتجاره

!!

10% من الارباح لصالح اليهود
يعني ------> من اجل كأس قهوة عادي

عادي جداً أساهم في نصرة اليهود

ومن اجل جلسة قصيرة جداً أخذل إخواني المسلمين في فلسطين

ومن أجل مشروب لا يسمن ولا يغني من جوع اتسبب في زيادة ارباح هذه الشركة
عذراً فلسطين ،،، فالقهوة هذا الزمن صارت أثمن من دم مسلم !!!؟؟!!!؟

عذراً يا أقصى
فصرخاتك تموت في القلوب عندما نتحدث
عن قهوة وازياء ومطاعم امريكية

!!!!!!!

شوفو ابناء موطن القهوه الأصليني سو ضددها مظاهرات
أعتراضا على مبدئها وتبرعاتها
باقي دوركم انتم يااخواني يامسليمين

يا إخوتي الكرام ارجو ان نجاهد انفسنا قليلا ...فقط قليلاً ....؟؟

لا نطالب بحمل سلاح .... ولا حتى رفع صوت بحديث بل نطالب بأبسط ..حقوق.. النصرة لاخوانكم وسيسألكم الله تعالى

أرجوكم قولو لا.. لستار بوكس
let's take down starbucks

قولوا لا لدعم اسرائيل
BOYCOTT ISRAEL CAMPAIGN

قاطعوها..لوجه..الله
قاطعوها..نصره..من..اجل..اخواننا
قاطعوها حتى لو كنتم(مدمنين)عليها
والمقاهي والكافيهات يامكثرها وفي الي احلى من قهوة ستار
ولا الله يخلي نسكافيه
وأزيدكم من شعر
قهــوهتنا .. العربيه ترى ..مايعيبها شيء .. صح .. مره

عادي سولها شوي سكر .. وتصيــر حلوه بس
وقفوا..شاركم القهوه من ستار
هذه بعض صور من مجلات مسوين فيها تحقيقوفيها بعض مساؤى ستار الإضافيه !!

!!!!!!!

ما قول غير عسى الله يهديكم ويفككم من ادمان هالبلاء

ودعاوتكم بس
ورجاء أخير أرجو نشر هالرساله للجميع .. وصلوها للمنتديات

وأخيــرا

قال الله الملك الجبار
وقل اعملوا فسيرى الله عملكم ورسوله وستردون إلى عالم الغيب والشهاده فينبئكم بما كنتم تعملون
ألا هل بلغت فاللهم فاشــهد

اللهم اجعله خالصا لوجهك

الجزمة الطايرة .. من نصيب بوش

2008-12-15T18:04:00.000-08:00

في يوم الأحد

2008/12/14

طلعت أحسن جزمة دخلت التاريخ من أوسع أبوابه

كانت جزمة مواطن عربي - إعلامي عراقي - اسمه منتظر الزيدي .. كانت أشجع جزمة طارت من بين كل العرب عشان توصل للمكان المناسب لها و يمكن يكون أقل منها كمان .. و هو .. بوش

لازم تكون أشجع جزمة لانها لأشجع شخصية عربية موجوده في الزمن الحالي

البداية كانت مؤتمر منعقد في بغداد .. و باعتبار منتظر الزيدي مراسل لقناة البغدادية كان لازم يروح ينقل أحداث المؤتمر

وقف بوش على المنصة و جنبه رئيس الوزراء العراقي .. و ابتدت مراسم النصب و الشعارات الرنـّانه

طبعا لازم ما ننساش انه بوش صاحب أفضال على العالم العربي كله .. بصراحه كـُـنا كلنا مقهورين و هو بيحرر قيودنا و كبتنا ده عشان نرتقي لدنيـتهم الفارغه

هو اللي حرر العراقيين من صدام .. من بعدها و العراق عايشه في حالة ازدهار مستمر .. كل بترولها اتحول على أمريكا بعد ما كانوا بيشحتوه نقطه نقطه من العرب .. و شعبها مستقر و ما بقاش فيه أي خلافات طائفيه هناك

يعني بوش راح و قتل صدام .. والعراق اتطورت على ايده و قربت تحتل المركز التاني على مستوى العالم في تطور التكنولوجيا و الاقتصاد و الازدهار المعيشي لأفرادها .. مفيش هناك حروب و لا قوات امريكية " لازقه " في أرضها تمتص ثرواتها

وصلت للمركز التاني في الرقي و الثقافه و الحضاره .. ده طبعا لانه المركز الاول لازم تكون فيه أمريكا

مش العراق لوحدها اللي شايله أفضال بوش عليها .. ده كمان أفغانستان أعطت وسام لـ بوش لانه حررهم من حركة طالبان

بصراحه كرم أمريكا كبيييييييير أوي .. هم المثال الحقيقي للديموقراطية و حرية الرأي و الفكر .. باختصار .. هم ملايكة بتمشي على الأرض

تقديراً لجهودهم الجباره قام العربي العراقي : منتظر .. و مسك فردة جزمته .. نادى على بوش و قال : خد هذه القــُبلة يا كلب .. و طارت فردته الاولى باتجاه بوش اللي نزل لتحت و - للاسف - ما جاتش عليه

رفع بوش نفسه بعدها و هو مبتسم ابتسامه غبيه مش عارف يداري بها كسوفه .. مفيش ثواني الا و الفرده التانيه كانت طايره بتنادي عليه

بس يا خساره .. خابت المره دي

طيب ازاي أهل الكرم الأمريكيين ما يظهروش كرمهم و ديموقراطيتهم و حريتهم للتعبير ؟؟ ما ينفعش

في خلال دقيقة كان منتظر الزيدي مرمي على الارض و نازل عليه وابل من الضرب و الرفس و شد راسه لأعلى من شعره

قام اتحاد المحاميين العرب باختيار مجموعه كامله منهم للدفاع عنه .. و هو حاليا محجوز في منطقة تابعه لأمريكا داخل بغداد .. حتى الحكومة العراقيه ما تقدرش تتدخل فيها

مهما عملوا فيه أو حاولوا يهينوه هايفضل فخر للعرب .. هو ما مسكش مسدس و قتل بوش لكن حاول يعبر عن أقل شعور بيعيشه العرب للأمريكيين بعد سلسلة من حروب و دم و شهداء و ناس أبرياء بيضيعوا في لمح البصر

العربي ده بيشتغل مراسل و نقل أحداث لحاجات كتير في سجن أبو غريب و معتقل جوانتنامو .. و شايف حال بلده العراق بعد لمسات فنية بإيد أمريكية رسمت لهم لوحة لحياه مجهوله غير مستقره مليانه بـ دم الاطفال و النساء و الشيوخ

يعني لو كنا بنعيش في أفلام الخيال العلمي .. كنت أتمنى انه الجزمه دي و هي طايره تتحول لـ سيف ينزل على رقبة بوش و كل اللي يعاونه

ياريت أوباما يتــّـعظ من اللي قبله .. و لو ان بدايته غير مبشـّره .. عيــّـن صهيوني متطرف كـ رئيس وزراء و كل ثانيه يشكر في اليهود و يقدّم لهم فروض الولاء و الطاعه

ياريت بجد يفوق من أوهام اللي سبقوه .. بدل ما يكون في مؤتمر و تجيله حاجه طايره في الهوا .. و يا عالم ساعتها ممكن تكون ايه أو تتزبط على ايه ؟؟

يارب يهدّ أمريكا و كل من يساعدهم أو يوافقهم على أعمالهم

اللهم اخسف بأمريكا و اسرائيل في أرضك و اجعل كيدهم في نحرهم

اللهم نسألك الذل لكل من والاهم و العزّة لكل من عاداهم

اللهم اجعل كلمة المسلمين هي العليا و انصر العرب و اجمع شملهم من بعد الشتات يا جامع الناس في يوم لا ريب فيه يا حي يا قيوم

اللهم انك عفو كريم تحب العفو فاعفو عنا و ارحمنا و انصرنا على القوم الظالمين فأنت مولانا و نعم النصير

اللهم آميــــن

المفروض يعملوا قناه فضائيه تعرض فيديو الواقعه دي 24 ساعه و يسموها قناة الجزمة الطايره

أسيبكم مع أحلى فيديو

http://www.youtube.com/watch?v=z6edTl7BBjc

مليااااااان أكتر من فيديو له على اليوتيوب

و ده كمان جروب من ضمن كتييييير له على الفيس بوك

http://www.facebook.com/group.php?gid=40496888324&ref=mf

شكلك وحش يا بوش لما تبتدي السنه الجديده بـ جزمة

Happy New Year

و كل جزمة و انت طيب يا بوش .. قصدي و انت في وشها ان شاء الله

-----------------

<< على هامش الموضوع >>

أعلنت عائله جودة من مدينة نابلس شمال الضفة الغربية مساء اليوم الخميس عن تبرعها بعروس محمله بالذهب وكافة مسلتزماتها تصل الى بغداد اضافة الى تغطية كافة نفقات محامي الدفاع عن الصحفي العراقي منتظر الزيدى الذى ركل بوش بحذائه في بغداد

باقي تفاصيل الخبر هنا

http://jordanzad.com/jordan/news/121/ARTICLE/9173/2008-12-19.html

فضل العشر الاوائل من ذي الحجّــة

2008-11-27T21:15:00.000-08:00

بسم الله، والحمد لله والصلاة والسلام على رسول الله وبعد

ففي الحديث الذي رواه الطبراني قال صلى الله عليه وسلم: "إن لربكم في أيام دهركم نفحات، فتعرضوا لها لعل أحدكم أن يصيبه منها نفحة لا يشقى بعدها أبداً"، وعشر ذي الحجة من مواسم الخير التي ينبغي على المسلم أن يتعرض فيها لنفحات رحمة الله عز وجل وذلك بالإكثار من العمل الصالح في هذه الأيام من صيام وقيام وقراءة القرآن، وتسبيح وتهليل واستغفار

يقول فضيلة الشيخ محمد صالح المنجد -من علماء المملكة السعودية- :من مواسم الطّاعة العظيمة العشر الأول من ذي الحجة التي فضّلها الله تعالى على سائر أيام العام فعن ابن عباس رضي الله عنهما عن النبي صلى الله عليه وسلم قال : " ما من أيام العمل الصالح فيهن أحب إلى الله منه في هذه الأيام العشر . قالوا ولا الجهاد في سبيل الله !! قال : ولا الجهاد في سبيل الله ، إلا رجل خرج بنفسه وماله ولم يرجع من ذلك بشيء " أخرجه البخاري 2/457 .وعنه أيضاً رضي الله عنهما عن النبي صلى الله عليه وسلم قال : ما من عمل أزكى عند الله عز وجل ، ولا أعظم أجراً من خير يعمله في عشر الأضحى " قيل : ولا الجهاد في سبيل الله ؟ قال : " ولا الجهاد في سبيل الله عز وجل إلا رجل خرج بنفسه وماله فلم يرجع من ذلك بشيء " رواه الدارمي 1/357 وإسناده حسن كما في الإرواء 3/398

فهذه النصوص وغيرها تدلّ على أنّ هذه العشر أفضل من سائر أيام السنة من غير استثناء شيء منها ، حتى العشر الأواخر من رمضان . ولكنّ ليالي العشر الأواخر من رمضان أفضل لاشتمالها على ليلة القدر ، التي هي خير من ألف شهر ، وبهذا يجتمع شمل الأدلة . أنظر تفسير ابن كثير 5/412

واعلم - يا أخي المسلم - أن فضيلة هذه العشر جاءت من أمور كثيرة منها

1- أن الله تعالى أقسم بها : والإقسام بالشيء دليل على أهميته وعظم نفعه ، قال تعالى : ( والفجر وليال عشر ) قال ابن عباس وابن الزبير ومجاهد وغير واحد من السلف والخلف : إنها عشر ذي الحجة . قال ابن كثير : " وهو الصحيح " تفسير ابن كثير8/413

2- أن النبي صلى الله عليه وسلم شهد بأنها أفضل أيام الدنيا كما تقدّم في الحديث الصحيح

3- أنه حث فيها على العمل الصالح : لشرف الزمان بالنسبة لأهل الأمصار ، وشرف المكان - أيضاً - وهذا خاص بحجاج بيت الله الحرام

4- أنه أمر فيها بكثرة التسبيح والتحميد والتكبير كما جاء عن عبد الله بن عمر رضي الله عنهما عن النبي صلى الله عليه وسلم قال : " ما من أيام أعظم عند الله ولا أحب إليه العمل فيهن من هذه الأيام العشر فأكثروا فيهن من التهليل والتكبير والتحميد " . أخرجه احمد 7/224 وصحّح إسناده أحمد شاكر

5-أن فيها يوم عرفة وهو اليوم المشهود الذي أكمل الله فيه الدّين وصيامه يكفّر آثام سنتين ، وفي العشر أيضا يوم النحر الذي هو أعظم أيام السنّة على الإطلاق وهو يوم الحجّ الأكبر الذي يجتمع فيه من الطّاعات والعبادات ما لا يجتمع في غيره

6- أن فيها الأضحية والحج

في وظائف عشر ذي الحجة : إن إدراك هذا العشر نعمة عظيمة من نعم الله تعالى على العبد ، يقدّرها حق قدرها الصالحون المشمّرون . وواجب المسلم استشعار هذه النعمة ، واغتنام هذه الفرصة ، وذلك بأن يخص هذا العشر بمزيد من العناية ، وأن يجاهد نفسه بالطاعة . وإن من فضل الله تعالى على عباده كثرة طرق الخيرات ، وتنوع سبل الطاعات ليدوم نشاط المسلم ويبقى ملازماً لعبادة مولاه

-----------------------------------

فمن الأعمال الفاضلة التي ينبغي للمسلم أن يحرص عليها في عشر ذي الحجة

-------------------------------------------------

الصيام : فيسن للمسلم أن يصوم تسع ذي الحجة . لأن النبي (صلى الله عليه وسلم) حث على العمل الصالح في أيام العشر ، والصيام من أفضل الأعمال . وقد اصطفاه الله تعالى لنفسه كما في الحديث القدسي : " قال الله : كل عمل بني آدم له إلا الصيام فإنه لي وأنا أجزي به " أخرجه البخاري 1805 وقد كان النبي يصوم تسع ذي الحجة

فعن هنيدة بن خالد عن امرأته عن بعض أزواج النبي صلى الله عليه وسلم قالت : كان النبي صلى الله عليه وسلم يصوم تسع ذي الحجة ويوم عاشوراء وثلاثة أيام من كل شهر . أول اثنين من الشهر وخميسين " أخرجه النسائي 4/205 وأبو داود وصححه الألباني في صحيح أبي داود 2/462

التكبيــر : فيسن التكبير والتحميد والتهليل والتسبيح أيام العشر . والجهر بذلك في المساجد والمنازل والطرقات وكل موضع يجوز فيه ذكر الله إظهاراً للعبادة ، وإعلاناً بتعظيم الله تعالى .ويجهر به الرجال وتخفيه المرأة قال الله تعالى : ( ليشهدوا منافع لهم ويذكروا اسم الله في أيام معلومات على ما رزقهم من بهيمة الأنعام ) الحج : 28 . والجمهور على أن الأيام المعلومات هي أيام العشر لما ورد عن ابن عباس رضي الله عنهما : ( الأيام المعلومات : أيام العشر ) ،

وصفة التكبير : الله أكبر ، الله أكبر لا إله إلا الله ، والله أكبر ولله الحمد ، وهناك صفات أخرى .والتكبير في هذا الزمان صار من السنن المهجورة ولا سيما في أول العشر فلا تكاد تسمعه إلا من القليل ، فينبغي الجهر به إحياء للسنة وتذكيراً للغافلين ، وقد ثبت أن ابن عمر وأبا هريرة رضي الله عنهما كانا يخرجان إلى السوق أيام العشر يكبران ويكبر الناس بتكبيرهما ، والمراد أن الناس يتذكرون التكبير فيكبر كل واحد بمفرده وليس المراد التكبير الجماعي بصوت واحد فإن هذا غير مشروع .إن إحياء ما اندثر من السنن أو كاد فيه ثواب عظيم دل عليه قوله صلى الله عليه وسلم : ( من أحيا سنة من سنتي قد أميتت بعدي فإن له من الأجر مثل من عمل بها من غير أن ينقص من أجورهم شيئاً ) أخرجه الترمذي 7/443 وهو حديث حسن لشواهده

أداء الحج والعمرة : إن من أفضل ما يعمل في هذه العشر حج بيت الله الحرم ، فمن وفقه الله تعالى لحج بيته وقام بأداء نسكه على الوجه المطلوب فله نصيب - إن شاء الله - من قول رسول الله صلى الله عليه وسلم الحج : ( المبرور ليس له جزاء إلا الجنة ).ص

الإكثار من الأعمال الصالحة عموما : لأن العمل الصالح محبوب إلى الله تعالى وهذا يستلزم عِظَم ثوابه عند الله تعالى . فمن لم يمكنه الحجّ فعليه أن يعمر هذه الأوقات الفاضلة بطاعة الله تعالى من الصلاة وقراءة القرآن والذكر والدعاء والصدقة وبر الوالدين وصلة الأرحام والأمر بالمعروف والنهي عن المنكر وغير ذلك من طرق الخير وسبل الطاعة

الأضحية : ومن الأعمال الصالحة في هذا العشر التقرب إلى الله تعالى بذبح الأضاحي واستسمانها واستحسانها وبذل المال في سبيل الله تعالى

التوبة النصوح : ومما يتأكد في هذا العشر التوبة إلى الله تعالى والإقلاع عن المعاصي وجميع الذنوب . والتوبة هي الرجوع إلى الله تعالى وترك ما يكرهه الله ظاهراً وباطناً ندماً على ما مضى ، وتركا في الحال ، وعزماً على ألا يعود والاستقامة على الحقّ بفعل ما يحبّه الله تعالى

والواجب على المسلم إذا تلبس بمعصية أن يبادر إلى التوبة حالاً بدون تمهل لأنه أولاً : لا يدري في أي لحظة يموت ثانياً : لأنّ السيئات تجر أخواتها .وللتوبة في الأزمنة الفاضلة شأن عظيم لأن الغالب إقبال النفوس على الطاعات ورغبتها في الخير فيحصل الاعتراف بالذنب والندم على ما مضى . وإلا فالتوبة واجبة في جميع الأزمان ، فإذا اجتمع للمسلم توبة نصوح مع أعمال فاضلة في أزمنة فاضلة فهذا عنوان الفلاح إن شاء الله . قال تعالى : ( فأما من تاب وآمن وعمل صالحاً فعسى أن يكون من المفلحين ) القصص : 67

فليحرص المسلم على مواسم الخير فإنها سريعة الانقضاء ، وليقدم لنفسه عملا صالحاً يجد ثوابه أحوج ما يكون إليه : [ فإن الثواب قليل ، والرحيل قريب ، والطريق مُخْوِف ، والاغترار غالب ، والخطر عظيم ، والله تعالى بالمرصاد وإليه المرجع والمآب ( فمن يعمل مثقال ذرة خيراً يره ، ومن يعمل مثقال ذرة شراً يره ) . الغنيمة الغنيمة بانتهاز الفرصة في هذه الأيام العظيمة ، فما منها عِوَضٌ ولا تُقدَّر بقيمة ، المبادرةَ المبادرةَ بالعمل ، والعجل العجل قبل هجوم الأجل ، وقبل أن يندم المفرّط على ما فعل ، وقبل أن يسأل الرّجعة فلا يُجاب إلى ما سأل ، قبل أن يحول الموت بين المؤمِّل وبلوغ الأمل ، قبل أن يصير المرء محبوسا في حفرته بما قدَّم من عمل

والله أعلم

المصـــــدر .. اسلام أونلاين

http://www.islamonline.net/servlet/Satellite?cid=1122528602856&pagename=IslamOnline-Arabic-Ask_Scholar%2FFatwaA%2FFatwaAAskTheScholar

فيكم الخير يا جامعة حلوان

2008-03-08T17:29:00.000-08:00

بسم الله الرحمن الرحيم

جامعة حلوان تنظم وقفة تضامن لمساندة الشعب الفلسطيني

http://www.helwan.edu.eg/news/2008/tadamon.htm

أقامت جامعة حلوان يوم الاحد الموافق 2/3/2008 صلاة الغائب علي ارواح الشهداء الفلسطنيين الذين رحلوا

ضحية للعدوان الصهيونى الغاشم على غزة وذلك بحضور أ.د / عبد الله بركات رئيس الجامعة ومشاركة نادى أعضاء هيئة التدريس والسادة النواب وعمداء الكليات والوكلاء والسادة اعضاء هيئة التدريس الاتحادات الطلابية والطلاب والاداريين بالجامعة والعاملين.
كما تقدم رئيس الجامعة مسيرة من مسجد الجامعة وحتى المبنى الادارى بعد صلاة الظهر التي أعقبتها صلاة الغائب علي أرواح الشهداء الأبرار وذلك تضامنا من الجامعة بكل طوائفها مع الشعب الفلسطينى والوقوف معه
كما حث سيادته المشاركين علي ضرورة أن تقوم الجامعة بدور فعال لخدمة القضية الفلسطينية ومساندة الشعب الفلسطينى عن طريق توجيه تبرعات الجامعة إلي الجهات الرسمية المسئولة عن مساندة الشعب والقضية الفلسطينية بما يضمن وصولها وتوزيعها بطريقة عادلة .
كما وجه سيادته الدعوة الي السادة اعضاء مجلس العمداء ونادى اعضاء هيئة التدريس واتحادات الطلاب وذلك لتقديم كافة التصورات والافكار والرغبات التي يمكن ان تساهم في مساندة ودعم القضية الفلسطينية والشعب الفلسطيني وذلك يوم الثلاثاء 4/3/2008 الساعة الثالثة ظهرا لإقامة ندوة بعنوان ((وقفة تضامن ووفاء)) كما تتناول الندوة التسامح الديني وتأثيره علي السلام المجتمعي وسبل المشاركة والتفاعل مع الأحداث الجارية والمداخل الشرعية لها ، يحاضر فيها الشيخ منصور الرفاعي والانبى بسنتي أسقف حلوان والمعصرة وعقب الغداء سيتم إقامة صلاة الغائب علي أرواح الشهداء الفلسطينيين الأبرار .
يحضر اللقاء السادة عمداء الكليات وأمين عام الجامعة ونادى أعضاء هيئة التدريس واتحاد الطلاب بالجامعة واللجنة النقابية والسادة مستشاري رئيس الجامعة .

جامعة حلوان تقيم صلاة الغائب على ارواح شهداء فلسطين

http://www.helwan.edu.eg/news/2008/pray.htm

اقيم الاحد الموافق 2/3/2008 بجامعة حلوان صلاة الغائب علي ارواح الشهداء الفلسطنيين وذلك داخل الحرم الجامعي بمقر الجامعة بعين حلوان ، بحضور أ.د / عبد الله بركات رئيس الجامعة ومشاركة أ.د / حازم
فتح الله رئيس نادى أعضاء هيئة التدريس والسادة النواب وعمداء الكليات والوكلاء والاساتذة والعاملين والاتحادات الطلابية والطلاب و الاداريين بالجامعة وذلك عقب صلاة الظهر ، كما نظمت الجامعة مسيرة من مبنى ادارة الجامعة وحتي المصلي وذلك تضامنا من الجامعة بكل طوائفها مع الشعب الفلسطينى والوقوف معه ومطالبة العالم اجمع بوقف المذابح البشعة التى تحدث لهذا الشعب من قبل العدوان الصهيونى الغاشم .

تخاريف الـ فيس بوك :(

2008-03-08T17:12:00.001-08:00

السلام عليكم

مش عارفه ليه كل لما أفتح الـ
Facebook
بقالي كم يوم ألاقي رساله غريبه بتقول

Network Error (dns_server_failure) Your request could not be processed because an error occurred contacting the DNS server. The DNS server may be temporarily unavailable, or there could be a network problem. For assistance, contact your network support team.

ومابقاش يتفتح عندي !! مع انه كان بيفتح قبل كده عادي

هو ده بيحصل عندكم ؟؟
:S

مدرسة .. جامعة .. ومُـفتـرق طـرق

2008-01-06T19:00:00.000-08:00

من وقت للتاني .. كل انسان بيراجع نفسه عن كل حياته .. عقله بيسرح فيها و يبتدي مع كل لحظه يفكر في اللي بعدها كيف ممكن يوصل لها .. في أيامي هذه عايشه مرحلة " مُـفتـرق طـرق " و هي المرحله بعد الطريق المرسوم لنا من زمااااان جدا .. طريق بنمشيه سنه ورا سنه في المدارس .. طريق مش محتاج للتخطيط او تشتت الافكار في مجالات مختلفه .. كل اللي علينا اننا نذاكر كويس و نطلع من الاوائل و نجيب مجاميع عاليه

بعده نبتدي طريق أوسع منه .. فيه جزء من الاختيار و التنوع .. فـندخل الجامعه و تمر سنينها كأحلى سنين شباب تكتمل فيها شخصية الانسان و نضج عقله

كل طريق منهم كنا بنعرف نهايته قبل ما نوصلها .. انها شهادة و اكتساب علمي هايضيف لنا .. لكن من بعدهم ؟؟

من بعدهم بنواجه الدنيا بحقيقتها .. و بعد لما كانت كل الطرق اللي مشيناها فيها نور بنشوف منه آخرها .. صرنا نمشي في مشوار حياه مافيش فيه نور الا على الخطوه اللي انت واقف فيها بس.. واللي بعدها مجرد تخطيط و أمنيات وأحلام و طموحات ما تقدرش تشوف ولا تعرف نتايجها الا لما توصل لها و تكون هي نفسها الخطوه اللي أصبحت واقف فيها و النور عليها

أحيانا بيقلقني التفكير في المستقبل و باخاف منه .. برغم اني في أوقات كتير باكون متفائله .. لكن أوقات تانيه ألاقي انه الظروف أقل بكتير من طموحاتي لدرجه ممكن أحس فيها و كأن أفكاري لمستقبلي هذه عالم تاني بعيد صعب احققه في مكاني هذا

في مرحلة " مُـفتـرق الطـرق " اللي عايشاها هذه مش قادره حتى أوصل للوظيفه اللي باتمناها .. هي مش مدرسه ولا جامعه أقدر أختارها بنفسي .. هي ظروف حياه كامله ما تقدرش تتوفر فيها الامكانيات اللي باتمناها و اللي منها أوصل للاحسن في حياتي

نمط حياه روتيني و الكل ماشي فيه .. الهدف منه كيف ممكن تكسب فلوس .. مش مهم انت بتعمل ايه ؟ .. الشغل اللي انت بتحبه ولا لا ؟ .. مش معناها انك بتعمل حاجه مش كويسه عشان تجيب فلوس و بس .. لكن بتشتغل أي شغل .. و يوم عن يوم يزيد القلق عن الخطوه اللي بعدها .. و تبدأ تسأل نفسك : يا ترى أنا بابعد كده عن طموحاتي ولا هي مرحله و هاتعدّي لحد لما ألاقي الشغل اللي باتمناه ؟؟

اكتفيت بالجزء التاني من السؤال للاجابه على نفسي مع محاولاتي المستمره في تحقيق أمنياتي مهما طال انتظارها .. و بادعي الله كل يوم انه يرزقني بالحياه اللي اتمناها بالخير مع رضاه .. دعوه بادعيها لي و لكل اللي أعرفهم محتاجينها

بجد الدنيا دي كبيره وصعبه .. و مجرد حيرة الانسان فيها في أمور حياته ممكن تحسسه بالغربه حتى لو كان وسط أهله لانه مش لاقي نفسه

مـحـتـــاجـه دعــواتــكـم

سامحوني لما باتأخر في الرد على موضوعات فاتت .. مشغوله الايام دي ومش بادخل النت كتير .. قريت ردود ناس وما ينفعش اكتفي بشكرهم .. فيهم ردود فعلا لفتت نظري .. ان شاء الله هأرد على اللي كتبوا تعليقاتهم في أقرب وقت

سلام

Melody Trix

2008-01-06T17:49:00.000-08:00

خير اللهم اجعله خير كنت صاحيه من 8 الصبح و رحت تدريب على شغل .. رجعت من بعده اتغديت و برغم اني كنت نعسانه جدا لكن قعدت عند التلفزيون شويه للمغرب .. قلبت في كل المحطات اللي باحب أشوفها و زهقت .. مافيش حاجه تتشاف .. بالصدفه لمحت محطة تقريبا عملوها جديد اسمها ميلودي تريكس .. فيها مسابقات و الناس بتتصل بهم و دولارات رايحه و دولارات جايه بدون مناسبة و على أتفه الاسئله .. أول لما الواحد يشوفها يتخيل انها كنز اتفتح له و المذيع هايقوم يعطيه دولارات على أي حاجه

كان ساعتها معروض مسابقه شبه الكلمات المتقاطعه و مطلوب تعرف كلمتين أو تكوّن من مربع الحروف هذا كلمتين ينفع نقولهم بعد كلمة "خطة" زي خطة دراسيه أو خطة حربية ...الخ

سرحت في مربع الحروف شوية لقيته ملياااااان كلمات مناسبه و شكلها واضح و مباشره .. لكن اللي بيتصلوا بيجيبوا كلمات عجيبه مش عارفه اخترعوها منين

كل شويه المذيع يقول انه الناس سايبه الاجابات المباشره و انه المسابقه سهله و الدولارات بتزيد كل فتره تفوت ماحدش يجاوب فيها صح

ايه حرقة الدم دي ؟؟

قريت من تحت انك ممكن ترسل رساله من الموبايل .. ومن كتر غيظي مسكت الموبايل و بعت مسج فيها حوالي أربع أو خمس كلمات حلول للمسابقة مع اني عارفه اني مش لما ابعت لهم مسج هالاقي بالمقابل خمسين دولار هايوصلوني مثلا كـ حد أدنى زي ما قالوا !! بس من كتر غيظي من الاجابات العجيبه اللي باسمعها مش أكتر

اتخصم من رصيدي بما يعادل 10 جنيه مصري أو أكتر .. ايوه ايوه هي مسج موبايل .. لسه باحاول أقنع نفسي لحد دلؤتي اني ماعملتش اكتر من كده و الرصيد طار

قعدت شويه و زادت الاجابات الذكيه من كل بلاد العالم رحت قفلت التلفزيون

بعدها لقيت رقم من مصر بيتصل على موبايلي .. كنت فرحانه و افتكرت انها يمكن واحده من صاحباتي من اللي في مصر تكون غيرت رقمها و اتصلت بيا

قلت : ألو .. قالتلي : ميلودي تريكس مع حضرتك خليكي معايا !! قلبي ضرب خمسة آلاف دقـّة في الثانيه لانه ماكانش في بالي ولا اتوقعت أبدااااا

سامعه المذيع و هو بيتكلم و سامعه جرس تليفونهم كل شويه يرن لما ينقلوا حد من الجمهور على الهوا و أقول ألو مع كل رنه بس مفيش فايده و الخط مفتوح مش فاهمه حاجه

فتحت التلفزيون و كتمت الصوت .. ما انا سامعاه في الموبايل .. و استنيت شويه

و أخيرا .. قلت ألو .. رد عليا المذيع و قال ألو مين معايا ؟

قلت : أنا (.....) , قال : ازيك ؟ عامله ايه يا جميلة ؟

قلت : الحمد لله

قال : انتي مصريه يا (....) ؟

قلت : لا , فلسطينية

قال : بتكلمينا منين ؟

قلت : من السعودية

قال : يعني انت فلسطينية و متصلة من السعودية و بتكلمينا في مصر , سبتي ايه للبلدان العربية ؟

ابتسمت بدون صوت وماعرفتش أرد عليه

قال : الاجابه ايه يا (....) ؟

قلت : شايف آخر سطر من المربع مكتوب فيه " فرعية " .. خطة فرعية

ما أنا من كتر ما زهقت من استهبال الناس و المذيع قلت أخليه يشوف بعينه ومش عايزه دولارات بس نخلص من هالحاله

قال : يعني هي دي الاجابه ؟

قلت : اها

قال : نشوف مع بعض

كتبوا على الشاشه حاولي مره أخرى و الخط اتقطع

عملت الموبايل سايلنت و خليته في أبعد مكان في البيت و رحت أصلي العشا

:D :D :D

والله مش عارفه أقول ايه عن القنوات اللي زي دي .. بجد كل لما افتكر الموقف ده باضحك .. نصب عيني عينك و ناس بتتصل و حاااااله .. كأنه الدنيا خلصت فيها كل الطرق لكسب الفلوس الا من القنوات الفضائيه الهبله .. كله عايز فلوس من الهوا بدون مجهود .. و ياريت حد يبعت مسج و يسكت .. لا .. فيه ناس بتتصل دولي و بتعيد مليون مره على أمل انها تاخد خمسين دولار بعد مليون مره اتصلت فيها و خسرت اكتر من اللي كسبته

من كتر ما بيتصلوا صاروا مصاحبـين المذيعين و عارفينهم !! بجد القنوات دي للعالم الفاضيه أو اللي بتستهبل

بس ما تنسوش ان " ميلودي تتحدى الملل " .. بتتحدّى نفسها

لو سمحتوا .. أنا عايزه رصيدي اللي طار بس

آآآدي آخرة اللي يقعد عند التلفزيون و هو صاحي من بدري ومش نايم كويس

سلام عليكم

سؤال ع السريع .. بس مهم

2007-12-16T05:59:00.000-08:00

السلام عليكم

كيف ممكن أحمي مدوّنتي ؟؟

يعني .. مثلا لو ألـّفت كلمات و كتبتها هنا .. أو عملت تصاميم وحبيت أنشرها .. كيف أحتفظ بحقّي فيها أو ملكيتي لها ؟؟

زي الـ

copyright

؟؟

بمناسبة عيد الاضحى المبارك - أعاده الله علينا و على الامة الاسلامية بالخير و اليمن و البركات يارب و النصر القريب - ياريت اللي عنده أي أفكار و اساليب متطوره في الفوتوشوب يقول لي عنها او يكتب الرابط الالكتروني لها .. و اللي ما يعرفش .. ياريت يسيب كيلو لحمة وهو ماشي

كل سنه وانتم طيبين

مسرحية بودي جارد .. مسرحية هابطـه

2007-11-09T19:19:00.000-08:00

أول مسرحية أحضرها في حياتي .. كنت فرحانه اني هاشوف الممثلين قدامي .. مش عشان الممثلين نفسهم لاني حتى مش عارفه مين اللي في المسرحيه غير عادل امام و شيرين سيف النصر و الاتنين باستتقل دمـّهم.. لكن عشان حاجه كنت باشوفها في التلفزيون و كان من الخيال اني الاقيها قدامي و مع كده هاشوفها .. و ياريتني ما شفتها

مسرحيه فاشله في الدراما و القصه .. ده لو كان لها قصه فعلا .. هي مجرد أحداث غير مرتبه بيعيش فيها عادل امام في نفس حركاته القديمه مع مشاهد لمراهقته المتأخره
.

--------
* أبطال المسرحيه *
--------
أدهم = عادل امام
سعد = عزت أبو عوف
عيشه ( عائشه ) = شرين سيف النصر
كاظم = سعيد عبد الغني
.
--------
* أحداث المسرحيه *
--------

أدهم و سعد مساجين .. مع اختلاف الفارق في المستوى .. سعد له زنزانه خاصه به على اعتباره حرامي كبير و صاحب بنك و مسجون في قضية سرقة 700 مليون جنيه .. زنزانه مجهزه بكل وسائل الراحه .. مع أربع بنات كل واحده منهم سكرتيره بتتابع أعماله في بلد معين .. أما أدهم فـ كان هربان من السجن و الضابط المسئول - الممثل ضياء عبد الخالق - مش عارف يوصل له
.
كاظم كان في زياره لـ سعد في زنزانته الخاصه و بيتكلموا عن اخر أعمالهم و البورصه .. في نهاية الزياره سعد بيسأل كاظم عن أخبار مراته عيشه و لو كان كاظم بيشوفها ولا لا ؟؟ .. بيجاوبه انه بقاله كتير ما شافهاش برغم انه على علاقه معها في غياب جوزها سعد .. و بيمشي بعد لما الشك دخل قلب سعد
.
فجأه حيطة زنزانة سعد تتكسر و يطلع منها أدهم الهربان .. بيستغرب لحالة سعد و الرفاهيه اللي هو فيها .. يتكلموا في حاجات كتير مع بعض استظراف عادل امام سواء في كلام قلة حياء صريح أو أفعال و تلميحات .. و في الاخر يطلب سعد من أدهم انه يشتغل بودي جارد و يراقب عيشه مراته و يكون معها دايما
.
أدهم هايوافق .. من غير ما نفهم ازاي طلع بره السجن بسهوله بدون نهاية فترة عقوبته و اشتغل بودي جارد عند سعد
.
خلال كلامهم مع بعض بتيجي مشاهد للضابط - ضياء عبد الخالق - معاهم و بيشوف أدهم الهربان بدون ما يعمل له أي حاجه .. كان طالع في دور ضابط ضعيف قدام رجل الاعمال سعد و نفوذه لدرجة انه عمل له عيد ميلاد و كان بيجيبله الشيشه جوه الزنزانه

هو ممثل جاي في دور لمجرد التريقه عليه من عادل إمام .. يمكن مش الكل يعرفه .. هو اللي كان رئيس العصابه في فيلم "أمير الظلام "مع عادل امام برضو و بيتقتل بسكينه في رقبته في آخر الفيلم .. و هو نفسه الممثل الاقرع اللي كان ضابط فاسد في مسلسل "بنت أفندينا" مع الهام شاهين
.

يجي مشهد الفيلا عند عيشه - زوجة سعد - و هي بتكلم كاظم في التليفون على السرير .. يدخل أدهم و تتفزع منه في الاول و يفهمها انه هايكون البودي جارد بتاعها بأوامر سعد له .. هاترفض بس لما تكلم سعد جوزها في التليفون هاتوافق .. و يروحوا حفلة عملها كاظم في بيته .. أدهم مراقب كل الناس فيها و اتخانق مع ناس منهم و خلّى كل المعزومين في الحفله يناموا على الارض و هدّدهم بمسدسه .. كل شوية نلاقي 3 أولاد وبنت لابسين أسود و بيقولوا كلام غريب ماشيين على المسرح من أوله لاخره و يختفوا و يرجع يظهروا بنفس الحركه تاني
.
عيشه تقول لأدهم انه دول اولادها من رجاله اتجوزتهم قبل سعد .. بعدها يرجعوا تاني و يلاحظوا انه كل المعزومين على الارض و يفرحوا بالمغامره دي و يشتركوا فيها مع أدهم .. من خلال كلامهم معاه هانعرف انهم من عبدة الشياطين
.
يرجع مشهد غرفة النوم تاني بعد نهاية الحفله .. تطلب عيشه من أدهم انه يطلع برّه و يدور بينهم حوار و خناقات تنتهي بانه ينام على نفس السرير
.
يبتدي كاظم يحس بتغيـّر عيشه من ناحيته .. و يبقى أدهم هو المرافق الدااائم لها و يشاركها أحيانا في قرارات الشغل و البنك اللي هي رئيسة مجلس ادارته و سعد صاحب البنك
.
يطلع النهار و نلاقي سعد في وسط غرفة النوم و ماسك مسدس .. مسكين اكتشف خيانة مراته !! نفسي أفهم مين اللي طلعه من السجن فجأه برضو ؟؟ .. المسرحيه دي مليانه اختراعات و سرحان بعقول الناس ع الاآآآخر
:D

.
و بعد شوية الخناقات بين سعد و أدهم و عيشه .. نادى سعد على اتنين طلعوا هم نفسهم الضابط و الشاويش اللي كانوا في السجن .. قالوا بعد لما الوزير اتغير أمر برفدهم من مصلحة السجون و بقوا من رجالة سعد .. المهم انه طلب منهم يبلغوا البوليس بسرعه عن أدهم و عيشه .في مشهد المحكمه .. رغي كتيييير بدون داعي و في آخره - وهم كلهم في قفص الاتهام - تشهد عيشه على أدهم انه هو اللي سرق 700 مليون جنيه من البنك و انه معاه توكيل عام منها اتصرف فيه عشان كل السرقات اللي حصلت .. سعد و كاظم و المحامي يوافقوا على كلام عيشه مع مستندات معاهم .. أدهم هايشتمهم عشان لبـّسوه القضيه كلها و طلع هو المغفل .. اتحكم عليه مع غرامه 50 ألف جنيه
.
في الفصل اللي بعده .. يظهر أدهم مع عبدة الشياطين و اللي من ضمنهم أربع أولاد لعيشه من جوازها قبل كده .. و يسألهم عن أفكارهم و ليه حابسين نفسهم في أماكن غريبه و ليه دافعوا عنه و دفعوا له الكفاله و خرجوه من السجن ؟؟ قالوا له لانه شفنا فيك تفكير مختلف و حبينا نقف معاك لانه احنا كمان تفكيرنا مختلف و مبدأنا هو الرفض لكل شئ .. حتى ربنا !! و هو فين ربنا ؟؟ .. يقوم أدهم و يضرب صاحب الكلمه دي و يقول له : الا ربنا .. ربنا موجود
.
هايطلع سعد براءه و معاه عيشه و كاظم كمان و ياخدوا شنطهم اللي فيها كل الفلوس المسروقه من البنك و يحاولوا يهربوا .. يظهر أدهم فجأه و يقولولهم عايزين تهربوا اهربوا في داهيه لكن الفلوس هاترجع لاصحابها ومش هاتطلع من البلد .. كل البودي جاردز يوقفوا في وشه بالمسدسات .. و فجأه برضو يظهر الاربع أولاد - عبدة الشيطان - و يدافعوا عنه ضد البودي جاردز لحد لما يمشوا من المسرح
.
خير اللهم اجعله خير .. كمان فجأه .. نلاقي المسرح بقى أبيض في أبيض .. و الناس لابسه نظيف .. و مافيش قلة حياء - الاغلبيه - اللي كانوا بيعملوها ولا لبس لناس ما كانوش لابسين أصلا .. و تبتدي أغنيه بيغنيها أدهم مع الاربع أولاد اللي كانوا عبدة الشياطين و حالهم اتغير و اعترفوا بوجود ربنا .. المشهد الاخير ده مع الاغنيه بكلماتها المتفائله و الناس المستورين اللي فيه هو بس اللي عجبني من كل المسرحيه
:D
.
خلصت المسرحيه .. مع التشفيــــــــر لالفاظ و تصرفات غير لائقه كتيييييير
.

---------
* تعـلـيــــــق *
---------

خرجت متنـّحه من المسرحيه .. ولا حسيت انه لها قيمه أو حتى مضمون .. قصه هبله و عاديه مستمره لمدة 3 ساعات عن حرامي اشتغل بودي جارد و ضحكوا عليه عشان يشيل القضيه .. و بدون اي مناسبه اخترعوا وجود عبدة شياطين اللي ما كانش لهم وجود غير ربع ساعه بس لاثبات كأنه المسرحيه لها هدف و بتدعو الناس للخير و ترك الشر - زي كلمات الاغنيه اللي في آخرها
.
قاعده 3 ساعات والله حسيتهم كأنهم 5 ساعات من كتر الملل و المشاهد المكرره لعادل امام .. زي في مشهد المحكمه .. كان فيه شاهد على القضيه و قعد عادل امام يقاطعه يمكن ربع ساعه بحجـّة انه فيه ريحه مش كويسه و ابتدى الاستظراف على واحد واقف جنبه .. الشاهد قعد يعيد في جملته مليون مره ومع كل مره يوقفه عادل امام بطريقته دي .. لدرجة تزهـــّـق بجد
.
ده غير انه عادل امام طووووول المسرحيه يشتم في الممثلين اكتر من مره و يقول : يلعن أبوكوا ولاد كلب .. عاجباه الجمله اوي !! كل لما اشوف العرب اللي قاعدين في الصف الاول الاقي الناس بتضحك .. والله حاله غريبه
.
و نفس مشهد المحكمه في مسرحيته شاهد ما شافش حاجه لما قال : يا بيه لو كل واحد هايعزل من بيته عشان تحتيه رقاصه يبقى البلد كلها هاتبات في الشارع .. قال نفس الجمله على اختلاف الموقف : يا بيه لو كل واحد ساب سريره عشان شاف مراته مع واحد تاني عليه يبقى البلد كلها هاتبات في الشارع
.
مش عارفه اقول ايه ولا اتكلم عن ايه من كتر السخافات اللي شفتها و سمعتها .. عادل امام مجرد اسم اشتهر و الناس او العرب اللي كانوا بيروحوا له دول لمجرد اسمه .. بيكرر مواقفه كتير و بيتصرف بحركات و كلام مش لايق على واحد عنده فوق السبعين او التمانين سنه
.
ما كانش بيني و بين خشبة المسرح غير أمتار قليله جدا و في الصف اللي ورانا كان قاعد واحد أردني أو سوري .. كل شويه يضحك بصوت عااالي على أي حاجه .. بيتهيألي حتى لو عادل امام عطس كان هايضحك .. مراته جنبه مالهاش صوت و مندهشه .. بتسأله : شو بك ؟؟ .. جاوبها في وسط ضحكه : مش قادر .. شوفي شوفي .. بجد كانت حالته تخلي الواحد يضحك على طريقة ضحكه مش على المسرحيه
:D
.

--------
* الفـــن ايــه !؟ *
--------

دايما نسمع انه الفن رساله .. او له هدف لـ وعي الناس و تثقيفهم .. شويه شويه ابتدى يطلع الفن اللي للترفيه بس أو للضحك و ده برضو حلو لو كان بسيط في حدود أخلاقنا .. لكن اللي يتخيل انه الفن يوصل لمستوى المسرحيه دي .. لااااااااااا .. مالهاش أي علاقه بالفن .. و أخجل أوصفها باللفظ اللي فعلا مناسب لها .. مع الملل
.
أنا مش من هواة متابعة الاعمال دي ولا باعترف بأنه كل اللي بيقدموه في زمننا هذا اسمه فن أصلا .. نشوف واحده في دور اغراء و لما تسألها الصحافه تقول كان لازم اعمله عشان الدور ده بيخدم الدراما و أحداث الفيلم !! أو واحد و عايش مراهقته على الشاشه و يرجع البيت لمراته و عياله عااادي .. ما هو بيخدم الدراما برضو ماحدش يفهمه غلط
.
في المسرحيه دي 3 ساعات الا ربع سخافه وملل و مسخره .. وفي اخر ربع ساعه بيحاولوا يثبتوا انه لها فكرة بتوعـّي الشباب للخير .. بيقدّموا قلة الحيا على طبق أبيض نظيف
.
بعد كل اللي بيعملوه يرجعوا يلوموا الشباب على أي انحراف بيحصل في البلاد .. و لو حصل حادثه بشعه مثلا تلاقيهم بيستنكروا و يستغربوا ازاي الشباب وصل لمستوى متدنّي بالشكل ده ؟؟
.
والله لو راعيتوا الله في اللي بتعملوه كانت بلاوي كتير من اللي بتحصل دي مالهاش أثر
.
حرام نداري كلمة مسخره و نقول بدالها " فن " في زمننا هذا

مُـختـارات انتـرنتـــ 1 ــيـّة

2007-11-01T10:07:00.000-07:00

@ مهاراتك الكمبيوترية @

دخلنا عصر ويندوز جديد يسمى " ويندوز فيستا " , و سواء تجاهلنا هذا الوافد الجديد الى حين أو قررنا تركيبه الان , فأنا و انت إزاء مهارات و معلومات جديدة

هذا الموقع يحتوي على دليل الكتروني في هيئة كتاب مضغوط , نستطيع انزاله مجاناً و فك ضغطه للاستعانه بمعلوماته التي تعيننا على فهم النظام الجديد , أما اذا كانت الاضافات الموجوده في نظام "فيستا" لا تغريك على ترك ويندوز "اكس بي " فستجد في الموقع ذاته كتاباً آخر للنظام الاخير , تستطيع انزاله و الاستعانة به لتفهم ما تكون قد عجزت عن فهمه , و لتحسن نظامك الذي باتت تنطبق عليه كلمة .. قديم

- الموقع -

http://www.tweakguides.com/TGTC.html

@ خزانة لأسرارك @

KeePass Password Safe

معظم استخدامنا لتطبيقات النت يكون من خلال كلمة سر خاصه بكل تطبيق أو برنامج أو مواقع , فالنتيجة أن كل منا يستخدم مجموعة كبيرة من تلك الكلمات التي يمكن أن ننسى واحدة منها أو أكثر , و هذا البرنامج المجاني يحفظ كل كلمات المرور التي تستخدمها داخل خزانة خاصه لا يحتاج فتحها سوى لكلمة مرور واحدة , جرب استخدامه بعد انزاله من الموقع التالي

- الموقع -

http://keepass.info/index.html

Tag

2007-10-30T17:18:00.000-07:00

السلام عليكم

التاج ده وصلني من صاحبة بلوج " انسانة " .. شكرا لك على ذوقك

لو قالولك اختار عصر من عصور مصر علشان تعيش فيه تختار أى ‏عصر و فى عهد أى حاكم .. واشمعنى؟

ما قريتش كتير عن عصور مصر .. لكن بشكل عام أحب أعيش فترة الامويين و العباسيين زمان .. كانوا أكتر العصور اللي لفتت نظري في التاريخ .. من عصورها الذهبيه الى انهياراتها و انقسامها و توالي العصور من بعدها

أول ‏أولويه فى حياتك عيلتك ولا شغلك ولا أصحابك؟

بعد الله و رضاه .. عيلتي بعدهم صاحباتي .. و الشغل لسه ما جربتوش بس أكيد مش قبلهم

إيه أكتر ‏حاجه بتحبها في رمضان؟

كل حاجه فيه .. باحس فيه بخير الدنيا و الطمأنينه و علاقتي بالله سبحانه و تعالى .. كأنه غسيل للقلب و الروح من كل ذنب أو شر .. يا رب تكون كل أيامنا رمضان

اوصف ليا ‏أجمل فطار ممكن تفطره ؟

لو على الاكل مش بيفرق عندي .. و المكان مش مهم اذا كنت مع ناس مقربين لي .. أفرح كمان لو فطـّرت حد غيري

لو أنت ‏حاكم على مجموعه من الأفراد هتكون عادل؟؟ طب هتعمل إيه عشان تتأكد إنك حاكم ‏عادل؟

هاحاول أحكم بالعدل .. وعشان أتاكد هاسألهم و أشاورهم باللي يكون فيه مصلحة خير لنا جميعا .. و هاقبل بالخير حتى لو كان اختاره أقليـّه بس منهم

اللى بيبوظ الحكام .. نفسهم؟ ولا الشعب؟ ‏ولا الحاشيه المقربه؟

نص الحاشيه المقربه - اذا ما كانش أغلبها - بتفسد الحكام أو تفسد من وراهم .. و الحكام يمشوا ورا النفس الامـّاره بالسوء .. و الشعب يشجب و يندد و يتنطط فيترمي في السجن .. أو يمشوا جنب الحيط و الحكومه برضو تنهب البلد يعني في النهايه .. كل الطرق تؤدي الى

روما

ربنا يهديهم و يفوّقهم جميعاً

مين ‏أكتر إعلامي مصري بتحترمه؟

عماد الدين أديب , محمود سعد

قريت ديوان عمر مصطفى صاحب بلوج تجربه " أسباب وجيهه للفرح" ‏عن دار ملامح و لا لسه ؟؟

لا .. مش عارفاهم

لو ‏ممكن تشتغل شغلانه تانيه غير اللى انت بتشتغلها او كنت بتشتغلها كنت تتمنى تبقى ‏ايه؟

دكتورة أطفال

ايه تانى بلد تتمنى تعيش فيها بعد ‏مصر؟

نفسي أشوف كل بلاد العالم و أعيش في كل بلد فتره من حياتي .. بأكره أعيش على طول في بلد واحده

اوصف ليا ‏ترتيبات أجمل فرح ممكن تحضره؟

انه يكون فيه اي أفكار غير تقليديه .. زي لو كان بالنهار .. وقبل نهاية الفرح بحوالي ساعه يكون باقي بس أسرتين العروسين مش كل عائلاتهم و يفرحوا بهم سوا أو في سهره

بتراعي ‏كلام الناس والقيل والقال؟ لو اه او لو لا قول لى ‏ليه؟

لو من ناس يعرفوني كويس و قريبين مني باهتم لكلامهم و أناقشهم فيه .. أما لو ناس غريبه مش باهتم لكلامهم لو كان بالسوء .. و لو كان بالخير هيأثر فيا و احاول أتعلم منه

صحيت من النوم ما لقيتش الموبايل ولا الكمبيوتر ولا ‏الكاميرا الديجيتال ولقيتنا ‏رجعنا لعصر الحمام الزاجل والحصنه هتكون سعيد؟

هاكون سعيده جدا في الاول .. لكن لو طالت الفتره هابتدي أتعلم الفروسيه .. و ابعت كل الحمام الزاجل للخلفاء و الأمراء يشوفولنا حل في الحكايه دي

السعاده ‏هى؟

السعاده موجوده في حاجات كتير

السعاده لما أصلي قيام ليل أو أقرا قرآن و أحس بعدها انه همومي راحت

السعاده لما ادعي ربنا مره واحده او تكون أمنيه جوايا اتمنيتها في موقف شفته و الاقي ربنا حققها لي في وقت قريب جدا مع انها كانت مجرد خاطر

السعاده هي راحة البال و طمأنينة القلب و السكينه مع القناعه و الرضى

السعاده هي لو قدرت أحفظ كل القرآن و أتلوه بتجويد في كل صلواتي و عمري ما انساه .. ادعولي الله يحققها لي

السعاده لما ألعب مع طفلـ/ـه مرح فيه براءه و أشوفه بيضحك جدا و أبقى أعيل منه في اللعب

السعاده لما أمسك خيط أو حبل مربوط في طرفه أي حاجه و أخلي قطه صغيره تتجنن و هي بتجري وراه

السعاده هي زوج طيّب كريم الاخلاق و ذريـّة صالحه مع حياه كريمه طيبه في ظل عبادة الرحمن و رضاه

عندك أمل ‏؟؟ أسبابك ؟؟

ايوه الحمد لله .. و السبب أنه الله موجود و خالق الكون و المعجزات بيده كل شئ .. قادر على انبات الشجر الاخضر من الارض اليابسه

لما تحب ‏تهرب من كل شئ بتروح فين ؟

بأقرا قرآن و أدعي الله من كل قلبي .. ده لو هروب من حزن جوايا .. أما لو هروب من حزن حواليا يبقى هاخرج مع صاحباتي

امتى ‏أول مره خدت فيها نفس طويل كده وقلت بينك وبين نفسك يااااه الظاهر انا فعلا ‏كبرت؟

قبل تخرجي من الجامعه بشهور قليله .. و بعدها كم مره قليله الحمد لله

لما ‏بتعمل عمل خيرى بيكون ايه هو دافعك الاول؟

رضى الله عني

بتشرب ‏سجاير؟ لو الاجابه اه ايه شعورك لو شفت ست بتشرب سجاير؟ وليه ‏؟

لا الحمد لله .. اشمعنى اللي اجابتهم اه بس هم اللي يقولوا شعورهم ؟

هاقول برضو

سواء ست أو راجل لو شفتهم بيشربوا سجاير باقرف منهم جدا .. مجرد ريحتها بتقلب البطن .. يمكن لان نسبة الرجال أكبر ومنتشرين أكتر في مجتمعاتنا الشرقيه فـ بنلاحظ الست أكتر و ننتقدها .. مش معنى انتشار الغلط انه أصبح حاجه عاديه .. كل اللي بيخطر في بالي هم ليه بيدخنوا ؟ .. مفيش حد ما يعرفش أضرار التدخين .. اذا كانت علب السجاير نفسها مكتوب عليها المصااايب اللي بتعملها في الانسان

بيستفيدوا ايه ؟

الله يهديهم ولا يبلي غيرهم مما ابتلاهم يا رب

بتعرف ‏ايدك اليمين من الشمال ازاي؟

اذا شفت واحده صاحبتي بالاقي ايدي اليمين بتطلع على طول و انا باسلم عليها فاعرف انه الايد التانيه هي الشمال .. الا اذا كانت هي شوله

ايه السؤال العجيب ده

فى رأيك ليه الذوق والنخوه ‏اتعدموا؟

ما اتعدموش .. لكن بعض الناس بقت تخاف تعمل خير أو تتكسف .. خصوصا لو شافوا رد فعل سئ مقابل ذوقهم أو نخوتهم .. بسبب عدم ثباتهم على تعاليم دينهم السمحه و ترددهم و اهتمامهم بكلام الناس أو ردود أفعالهم أكتر من علاقتهم بالله و انه أعمالهم دي مسجـّله عليهم كل واحد له كتابه لا هاينفعه فيه الناس ولا آرائهم لو عاكسوه عن الخير أو الاخلاق الكريمه .. و يرجع كل واحد يشتم في الدنيا و الزمن و الناس بدون ما يبتدي بنفسه و يثبتها على الحق .. الشافعي - الله يرحمه - قال

نعيب زماننا والعيب فينا .. وما لـ زماننا عيب سوانا

ونهجو ذا الزمان بغير ذنب .. ولو نطق الزمان لنا هجانا

وليس الذئب يأكل لحم ذئب .. ويأكل بعضنا بعض عيانا

ايه ‏الحاجه اللى لو حصلتلك تبقى سعيد قوى؟؟؟

حاجات كتير .. مش في بالي حاجه دلؤتي .. ممكن حاجه بسيطه جدا تقلب حالي من قاع الحزن لـ قمـّـة الفرحه

تختار ‏يبقى عندك...أرض زراعيه ولا أجنس عربيات و لا كام عماره و لا فلوس فى ‏البنك؟؟؟؟

يبقى عندي فلوس في البنك أشتري بها كل الحاجات دي

البحر و ‏لا النيل؟؟؟

كل واحد له جماله الخاص

مركب و ‏لا طياره؟؟

الطياره

مجنون و لا ‏عاقل؟؟

مجنونه لها عقل

تقرأ ‏كتاب و لا تتفرج عليه فيلم؟

أشوفه فيلم بس يكون كويس .. ماليش صبر على الكتب الا في بعض الاحيان

أمرره لمين ؟

لكل عابر سبيل على البلوج هنا .. بشرط صغنون .. يكتب تعليق أعرف منه انه نقله عنده عشان اقراه

و اللي يعرفوني و مش عندهم بلوج .. ممكن يكتبوا تعليقهم مع اجابات للاسئله هنا برضو

لم ينتهي صيامنا بنهاية رمضان

2007-10-14T17:05:00.000-07:00

بسم الله الرحمن الرحيم

# فضل صيام الستّ من شوال .. صيام الدهـر #

.. سؤال ..

ما حكم صيام الستّ أيام من شوال ، وهل هي واجبة ؟

.. الجواب ..

صيام ست من شوال بعد فريضة رمضان سنّة مستحبّة وليست بواجب ، ويشرع للمسلم صيام ستة أيام من شوال ، و في ذلك فضل عظيم ، وأجر كبير ذلك أن من صامها يكتب له أجر صيام سنة كاملة كما صح ذلك عن المصطفى صلى الله عليه وسلم كما في حديث أبي أيوب رضي الله عنه أن رسول الله صلى الله عليه وسلم قال : " من صام رمضان وأتبعه ستا من شوال كان كصيام الدهر . " رواه مسلم وأبو داود والترمذي والنسائي وابن ماجه. وقد فسّر ذلك النبي صلى الله عليه وسلم بقوله : " من صام ستة أيام بعد الفطر كان تمام السنة : (من جاء بالحسنة فله عشر أمثالها ) . " وفي رواية : " جعل الله الحسنة بعشر أمثالها فشهر بعشرة أشهر وصيام ستة أيام تمام السنة " النسائي وابن ماجة وهو في صحيح الترغيب والترهيب 1/421 ورواه ابن خزيمة بلفظ : " صيام شهر رمضان بعشرة أمثالها وصيام ستة أيام بشهرين فذلك صيام السنة " . وقد صرّح الفقهاء من الحنابلة والشافعية : بأن صوم ستة أيام من شوال بعد رمضان يعدل صيام سنة فرضا ، وإلا فإنّ مضاعفة الأجر عموما ثابت حتى في صيام النافلة لأن الحسنة بعشرة أمثالها

.. من الفوائد المهمّة لصيام ستّ من شوال ..

تعويض النّقص الذي حصل في صيام الفريضة في رمضان إذ لا يخلو الصائم من حصول تقصير أو ذنب مؤثّر سلبا في صيامه ويوم القيامة يُؤخذ من النوافل لجبران نقص الفرائض كما قال صلى الله عليه وسلم : " إن أول ما يحاسب الناس به يوم القيامة من أعمالهم الصلاة قال يقول ربنا جل وعز لملائكته وهو أعلم انظروا في صلاة عبدي أتمها أم نقصها فإن كانت تامة كتبت تامة وإن انتقص منها شيئا قال انظروا هل لعبدي من تطوع فإن كان له تطوع قال أتموا لعبدي فريضته من تطوعه ثم تؤخذ الأعمال على ذاكم " رواه أبو داود . والله أعلم

المصدر :: موقع الشيخ محمد صالح المنجد

http://www.islam-qa.com/index.php?ref=7859&ln=ara

كما أنه من المسابقة إلى الخيرات والمسارعة في الطاعات الذي جاءت النصوص بالترغيب فيه والثناء على فاعله ، وهو أيضاً من الحزم الذي هو من كمال العبد ، فإن الفُرص لا ينبغي أن تفوت ، والمرء لا يدري ما يعرض له من شواغل وقواطع تحول بينه وبين العمل ، فإن أخرها أو فرَّقها على الشهر حصلت الفضيلة أيضاً

ومن كان عليه قضاء من شهر رمضان فعليه أن يبدأ بقضاء ما عليه أولاً ، حتى يُحَصِّل الثواب الوارد في الحديث ، وذلك لأن الأجر الوارد لا يَحْصُل إلا بعد إكمال عدة رمضان ، لقوله عليه الصلاة والسلام ( من صام رمضان ثم أتبعه ستا من شوال ) ، ومن كان عليه أيام من رمضان لا يصدق عليه أنه صام رمضان كاملاً

يعني اللي عليه قضاء من رمضان لازم يقضيه الاول .. و لو مر شهر شوال كله قبل ان ينتهي من مجموع أيام القضاء هذه مع الست أيام من شوال .. مثلا عليه صيام 4 أيام قضاء + 6 أيام شوال = 10 أيام و كان باقي من شوال 8 أيام بس هم اللي لحق يصومهم من شوال قبل نهايته .. تـُحسب له أول ست أيام صامهم على انهم الست أيام من شوال بأجرهم ان شاء الله .. و باقي اللي صامهم في شوال الى آخره ( يومين في المثال هذا ) مع اللي هيكمل صيامهم بعده تعتبر هي أيام القضاء اللي عليه .. والله أعلم

لمعرفة مزيد من الايضاح و التفاصيل .. موجوده داخل الرابط التالي

http://www.islamweb.net/ramadan/index.php?group=articles&lang=A&id=135210

تقبل الله منا و منكم صالح أعمالنا .. كل عام و انتم بخير بمناسبة عيد الفطر المبارك

AntiSex Group

2007-10-11T16:24:00.000-07:00

بسم الله الرحمن الرحيم

هم فريق مكون من مجموعة شباب .. جمعتهم الصدفة على شبكة الانترنت .. و بعد أن كانوا مجرد هاكرز لتدمير المواقع .. استطاعوا تحويل طاقتهم لشئ ايجابي و استغلالها أحسن استغلال

هدفهم : هو تدمير المواقع الاباحية و محاربة الرذيلة و الغاء مواقع الدردشة الفاسدة لكثير من الفتيات فاقدات الاخلاق

اتفقوا على ألا يكشف أحدهم عن هويته الحقيقية حتى لا يعرّضوا أنفسهم للاذى .. خاصة انهم تسببوا في خسارة كبيره لاصحاب المواقع المحرمة حتى وصلت الى ملايين الدولارات بعد اغلاق مواقعهم على الانترنت

رسالتهم : بعد نهاية كل حرب انتصروا فيها على الرذيلة .. يتركون رسالة ارشادية للشباب في نفس صفحة الموقع الذي تم تدميره مع تحذير لاصحاب الموقع يقولون فيه : لو عدتم عدنا

عددهم : كانت المجموعة تتكون من خمس أفراد حتى وصلوا 12 فرداً .. ما شاء الله

مهمـّتهم بدأت من شهر رمضان في العام الماضي .. و في خلال شهر رمضان لهذا العام .. نجح هؤلاء الشباب في تدمير أكثر من 100 ألف موقع اباحي

قال صلى الله عليه و سلم : من رأى منكم منكراً فليغيره بـ يده , فان لم يستطع فبـ لسانه , فان لم يستطع فبـ قلبه و ذلك أضعف الايمان

و هؤلاء لم يكتفوا بأضعف الايمان بل دمـّروا الفساد بأيديهم

فعلا شباب يستحقـّوا الاحترام و التقدير لوعيهم و حسن اختيارهم للطريق القويم في استغلال قدراتهم الرائعه و مهاراتهم

أتمنى لو ازدادت جهودهم لتشمل كافة المواقع التي تسب الاسلام أو تحاول تشويه صورته

أتذكر من فترة كان فيه موقع مسيحي يهدف لتشويه الاسلام و تحريف القرآن .. اخترعوا كتاب كبير تحت اسم " قرآن رابسو " و استهزءوا فيه بكل سور القرآن الكريم

قمت بنشر الموقع الحقير هذا لكل من أعرفهم و من أتوقع منهم أن يقوموا بتدميره .. قالوا انه الموقع مرفوع على 6 سيرفرات و استحاله يتدمـّر .. و برغم هذا وصـّيتهم ينشروه لكل الهاكرز .. كان عندي اللينك له لكن للاسف ضاع مني و لما بحثت ع النت لقيته و - بفضل الله - تم تدميره و ازالته تماماً .. كانت النتيجة

The page cannot be found

و منها لينك يوصل لموقع طريق الاسلام .. ما شاء الله

اللهم انك عفو كريم تحب العفو فاعفوا عنا و انصرنا على القوم الظالمين فانت مولانا و نعم النصير

اللهم لا تزغ قلوبنا بعد اذ هديتنا و ارحمنا و اجعلنا تحت ظلك يوم لا ظل الا ظلك يا أرحم الراحمين

اللهم ثبـّتنا على قول الحق و فعله و اجعلنا من أهل جنتك يا عزيز يا جبـّار

لسه الدنيا فيها خيــر

2007-10-11T15:59:00.000-07:00

السلام عليكم

اليوم طلعت مع أهلي نفطر بره .. ومع انه موقف بسيط الا انه لفت نظري جدا

دايما نسمع عن أجر افطار الصائم .. و أحيانا لما كنت باقابل أي واحده صاحبتي بالصدفه في المواصلات ألاقيها تعزم عليّا بأكل تمر من معها

لكن اليوم و أنا في التاكسي .. المغرب أذّن و احنا لسه في الطريق .. و كنا في آخر شارع الهرم تقريبا .. كان فيه سيارة تاكسي تانية قريبه مننا .. و من شباك الشاب اللي قاعد جنب السوّاق فيها أعطى سواق التاكسي - اللي كنا فيه - كيس فيه 3 تمرات و قزازة ميه صغيره و الاتنين ماشيين ع الطريق

بعدها بدقيقتين كان فيه واحد واقف في الشارع و معاه كيس مليان أكياس صغيره فيها تمر و بيرميها جوه شبابيك كل السيارات اللي ماشيه ع الطريق وقت المغرب

مفيش خمس دقايق و كان واحد زيه تاني واقف في شارع بعده و بيوزع على سيارات الناس الماشيين

بجد احترمتهم جدا و بادعي الله يوفقهم و يجعله في ميزان حسناتهم يارب و يبارك فيهم

برغم انها لحظة افطار و صايمين بس استحملوا و وقفوا في الشوارع لكسب الاجر

الله يقوّيهم و يقوينا جميعا لـ فعل كل ما يحبه و يرضاه .. اللهم آميـــــــــن

رؤية ليلة القــدر

2007-10-04T18:07:00.000-07:00

بسم الله الرحمن الرحيم

نقلاً عن الشيخ محمد صالح المنجد .. جاءت الفتوى

.. سؤال ..

هل ترى ليلة القدر عيانا أي أنها ترى بالعين البشرية المجردة ؟ حيث أن بعض الناس يقولون إن الإنسان إذا استطاع رؤية ليلة القدر يرى نورا في السماء ونحو هذا ، وكيف رآها رسول الله صلى الله عليه وسلم والصحابة رضوان الله عليهم أجمعين ؟ وكيف يعرف المرء أنه قد رأى ليلة القدر ؟ وهل ينال الإنسان ثوابها وأجرها وإن كانت في تلك الليلة التي لم يستطع أن يراها فيها ؟ نرجو توضيح ذلك مع ذكر الدليل

.. الجواب ..

الحمد لله
قد ترى ليلة القدر بالعين لمن وفقه الله سبحانه وذلك برؤية أماراتها ، وكان الصحابة رضي الله عنهم يستدلون عليهما بعلامات ولكن عدم رؤيتها لا يمنع حصول فضلها لمن قامها إيمانا واحتسابا ، فالمسلم ينبغي له أن يجتهد في تحريها في العشر الأواخر من رمضان كما أمر النبي صلى الله عليه وسلم طلبا للأجر والثواب فإذا صادف قيامه إيمانا واحتسابا هذه الليلة نال أجرها وإن لم يعلمها قال صلى الله عليه وسلم : ( من قام ليلة القدر إيمانا واحتسابا غفر له ما تقدم من ذنبه ) وفي رواية أخرى ( من قامها ابتغاءها ثم وقعت له غفر له ما تقدم من ذنبه وما تأخر ) .. وقد ثبت عن النبي صلى الله عليه وسلم ما يدل على أن من علاماتها طلوع الشمس صبيحتها لا شعاع لها ، وكان أبي بن كعب يقسم على أنها ليلة سبع وعشرين ويستدل بهذه العلامة ، والراجح أنها متنقلة في ليالي العشر كلها ، وأوتارها أحرى ، وليلة سبع وعشرين آكد الأوتار في ذلك ، ومن اجتهد في العشر كلها في الصلاة والقرآن والدعاء وغير ذلك من وجوه الخير أدرك ليلة القدر بلا شك وفاز بما وعد الله به من قامها إذا فعل ذلك إيمانا واحتسابا . والله ولي التوفيق وصلى الله وسلم على نبينا محمد وآله وصحبه

حرامـي .. قـنـوووع جــداً

2007-10-04T15:32:00.000-07:00

السلام عليكم

قريت في مجلة خبر سريع - بدون عنوان - ضحكت من غرابته !! .. مكتوب فيه

شهــّر لص نيويوركي السكين في وجه أحد يريد مالاً , فما كان من الضحية الا أن عرض عليه 10 دولارات هي كل ما يملك , لكن اللص رفض المبلغ و أصرّ على الحصول على 4 دولارات فقط !! و أرغم ضحيته على صرف ورقة العشرة في محل بيتزا قبل ان يأخذ منه الاربع دولارات و يمضي في حال سبيله ... اعتقلت الشرطة اللص و يدعى جيمس ميتشيل - 48 عاماً - .. و السؤال الذي لم يجب عنه أحد .. لماذا أراد 4 دولارات فقط ؟؟؟؟

مالقيتش عنوان للمقال هذا أنسب من اللي اخترته .. فعلا : حرامي قنوووع جدا
:D :D

مختــارات رمـضانيـّـة

2007-09-28T16:20:00.000-07:00

السلام عليكم و رحمة الله و بركاته

و أنا ع النت لقيت موقع راااائع فيه خلاصة جهود العلامتين ابن باز و الالباني - وغيرهم - مع عرض متطور جميل لأعمالهم .. و بعضها على هيئة برامج بسيطة و أحجامها صغيره لكن قيمتها كبيره

بمناسبة رمضان .. اخترت أنقل لكم منه .. " التبيان في فتاوى رمضان " .. و هو ملف على شكل

pdf

يشمل مجموعة جيده من الاسئلة و الاجوبة الخاصة بفتاوى رمضان للشيخ محمد بن صالح العثيمين - رحمه الله - .. حجم الملف صغير

للتحميل من الموقع نفسه

http://3llamteen.com/index.php?option=com_content&task=view&id=929&Itemid=45

الله يبارك فيهم و يجزاهم خير على انشاءهم للموقع هذا .. جعله الله في ميزان حسناتهم ان شاء الله

لا تنسوهم من صالح دعواتكم

=============

موقع رمضانيات

http://www.ramadan.ws/

شامل لمجموعة كبيــــره من الصوتيات و المقالات و الاذكار و الخواطر و الكتب .. خاص بشهر رمضان الكريم

============

موقع مكــّـاوي

http://www.makkawi.com/

يحتوي قسم الصوتيات في موقع " أم القرى .. مكة " على تلاوات مختلفة للقرآن الكريم .. لاشهر قرّاء مكة المكرمة

بالاضافة الى مختلف الادعية بمناسباتها و باب الخطب و المحاضرات .. مع صور لمكة و المدينة و معلومات عن تاريخهم

بصراحه .. الموقع عجبني جدا

فضل صيام رمضان و قيامه

2007-09-28T15:01:00.000-07:00

بسم الله الرحمن الرحيم

المقال هذا اختصار لمقالة طويـــلة منقوله من موقع طريق الاسلام .. عن الشيخ عبد العزيز بن عبد الله بن باز

http://www.islamway.com/?iw_s=Article&iw_a=view&article_id=922

في الصيام فوائد كثيرة وحكم عظيمة ، منها : تطهير النفس وتهذيبها وتزكيتها من الأخلاق السيئة والصفات الذميمة كالأشر والبطر والبخل، وتعويدها الأخلاق الكريمة كالصبر والحلم، والجود والكرم، ومجاهدة النفس فيما يرضي الله ويقرب لديه

.. من فوائد الصوم ..

أنه يُعرّف العبد نفسه وحاجته وضعفه وفقره لربه ويذكره بعظيم نعم الله تعالى عليه ويذكره أيضاً بحاجة إخوانه الفقراء، فيوجب له ذلك شكراً لله سبحانه وتعالى والاستعانة بنعمه على طاعته، ومواساة إخوانه الفقراء والإحسان إليه، وقد أشار الله سبحانه وتعالى إلى هذه الفوائد في قوله- عزّ وجلّ-: { يا أيها الذين آمنوا كُتب عليكم الصِّيام كما كُتب على الَّذين من قبلكم لعلَّكُم تتَّقُون } سورة البقرة:183

فأوضح- سبحانه- أنه كتب علينا الصيام لنتقيه سبحانه؛ فدل ذلك على أن الصيام وسيلة للتقوى

كما بين النبي- صلى الله عليه وسلم-: أن الصوم وجاء للصائم ووسيلة لطهارته وعفافه؛ في قوله: « يا معشر الشباب، من استطاع منكم الباءة فليتزوج، فإنه أغض للبصر وأحصن للفجر، ومن لم يستطع فعليه بالصوم، فإنه له وجاء » [رواه البخاري، ومسلم].

وما ذاك إلا لأن الشيطان يجري من ابن آدم مجرى الدم، والصوم يضيق تلك المجاري، ويذكر بالله وعظمته، فيضعف سلطان الشيطان ويقوي سلطان الإيمان وتكثر بسببه الطاعات من المؤمنين وتقل به المعاصي

ومن فوائد الصوم أيضاً أنه يطهر البدن من الأخلاط الرديئة ويكسبه صحة وقوة، اعترف بذلك الكثير من الأطباء وعالجوا به كثيراً من الأمراض

قال- عزّ وجلّ: { شهرُ رمضان الذي أُنزِل فيه القرآن هدًى للناس وبيِّناتٍ من الهُدى والفرقان فمن شهد منكم الشهر فليصمه ومن كان مريضاً أو على سفر فعدَّةٌ من أيامٍ أُخر يريد الله بكم اليُسر ولا يريد بكم العسر ولتُكملوا العِدَّة ولتُكبِّروا الله على ما هداكم ولعلَّكُم تشكرون } [البقرة: 185]. وفي الصحيحين عن ابن عمر- رضي الله تعالى عنهما- قال: قال رسول الله صلى الله عليه وسلم: « بني الإسلام على خمس: شهادة أن لا إله إلا الله وان محمّداً رسول الله، وإقام الصلاة، وإيتاء الزكاة، وصوم رمضان، وحج البيت » [رواه البخاري، ومسلم]. أيها المسلمون إن الصوم عمل صالح عظيم، وثوابه جزيل، ولا سيما صوم رمضان، فإن الصوم الذي فرضه الله تعالى على عباده وجعله من أسباب الفوز لديه

ثبت في الحديث الصحيح أن النبي صلى الله عليه وسلم قال: « يقول الله تعالى: كل عمل ابن آدم له، الحسنة بعشر أمثالها إلى سبعمائة ضعف إلا الصيام فإنه لي وأنا أجزي به، إنه ترك شهوته وطعامه وشرابه من أجلي، للصائم فرحتان: فرحة عند فطرة، وفرحة عند لقاء ربه، ولخلوف فم الصائم أطيب عند الله من ريح المسك » .. رواه البخاري، ومسلم

عن النبي صلى الله عليه وسلم أنه قال: « إذا كان أول ليلة من رمضان صُفِّدت الشياطين ومردة الجن، وغُلقِّت أبواب النار فلم يُفتح منها باب، وفُتحت أبواب الجنة فلم يُغلق منها باب، ويُنادي منادٍ يا باغي الخير أقبل ويا باغي الشر أقصر ولله عتقاء من النار وذلك كل ليلة » .. اخرجه الترمذي وابن ماجه

وعن أبي هريرة- رضي الله عنه- قال: قال رسول الله صلى الله عليه وسلم: « إن الله- تبارك وتعالى- فرض صيام رمضان عليكم، وسننت لكم قيامه، فمن صامه وقامه إيماناً واحتساباً خرج من ذنوبه كيوم ولدته أمه » .. رواه النسائي

وليس في قيام رمضان حد محدود؛ لأن النبي صلى الله عليه وسلم لم يوقت لأمته في ذلك شيئاً، وإنما حثهم على قيام رمضان ولم يحدد ذلك بركعات معدودة، ولما سُئل صلى الله عليه وسلم- عن قيام الليل قال: « مثنى مثنى، فإذا خشي أحدكم الصبح صلى ركعة واحدة توتر له ما قد صلى » .. رواه البخاري، ومسلم

فدل ذلك على: التوسعة في هذا الأمر، فمن أحب أن يُصلي عشرين ركعة ويوتر بثلاث فلا بأس، ومن أحب أن يصلي عشر ركعات ويوتر بثلاث فلا بأس، ومن أحب أن يُصلي ثمان ركعت ويوتر بثلاث فلا بأس، ومن زاد على ذلك أو نقص عنه فلا حرج عليه، والأفضل: ما كان النبي صلى الله عليه وسلم يفعله غالباً وهو أن يقوم بثمان ركعات يسلم من كل ركعتين ويوتر بثلاث مع الخشوع والطمأنينة وترتيل القراءة لما ثبت في الصحيحين عن عائشة- رضي الله عنها- قالت: « ما كان رسول الله صلى الله عليه وسلم يزيد في رمضان ولا في غيره على إحدى عشرة ركعة، يصلي أربعاً فلا تسأل عن حسنهن وطولهن، ثم يصلي أربعاً فلا تسأل عن حسنهن وطولهن، ثم يصلي ثلاثاً » . وفي الصحيحين عنها- رضي الله عنها-: « أن النبي صلى الله عليه وسلم كان يصلي من الليل عشر ركعات يسلم من كل اثنتين ويوتر بواحدة »

ثبت عنه صلى الله عليه وسلم في أحاديث أخرى أنه كان يجتهد في بعض الليالي بأقل من ذلك، وثبت عنه أيضاً صلى الله عليه وسلم أنه في بعض الليالي يصلي ثلاث عشرة ركعة يسلم من كل اثنتين. فدلت هذه الأحاديث الصحيحة عن رسول الله صلى الله عليه وسلم على أن الأمر في صلاة الليل موسع فيه بحمد الله، وليس فيها حد محدود لا يجوز غيره، وهو من فضل الله تبارك وتعالى ورحمته وتيسيره على عباده حتى يفعل كل مسلم ما يستطيع من ذلك، وهذا يعم رمضان وغيره

قد كان رسول الله صلى الله عليه وسلم أجود الناس وكان أجود ما يكون في رمضان، فاقتدوا به – رحمكم الله- في مضاعفة الجود والإحسان في شهر رمضان، وأعينوا إخوانكم الفقراء على الصيام والقيام، واحتسبوا أجر ذلك عند الملك العلام، واحفظوا صيامكم عما حرمه الله عليكم من الأوزار والآثام، فقد صح عن النبي صلى الله عليه وسلم أنه قال: « من لم يدع قول الزور والعمل به والجهل، فليس لله حاجة في أن يدع طعامه وشرابه » .. رواه البخاري، والترمذي، وأبو داود، وابن ماجة

وجاء عنه صلى الله عليه وسلم أنه قال: « ليس الصيام عن الطعام والشراب وإنما الصيام من اللغو والرفث » .. خرَّجه البيهقي

من أهم الأمور التي يجب على المسلم العناية بها والمحافظة عليها في رمضان وفي غيره: الصلوات الخمس في أوقاتها، فإنها عمود الإسلام، وأعظم الفرائض بعد الشهادتين، ومن أهم واجباتها في حق الرجال أداؤها في الجماعة كما جاء في الحديث عن النبي صلى الله عليه وسلم أنه قال: « من سمع النداء فلم يأته فلا صلاة له إلا من عذر » رواه الدار قطني وابن ماجة وابن حبان والحاكم بسند صحيح

جاءه صلى الله عليه وسلم رجل أعمى فقال: « يا رسول الله، إني رجل شاسع الدار عن المسجد وليس لي قائد يلائمني، فهل لي من رُخصة أن أٌصلي في بيتي، فقال له النبي صلى الله عليه وسلم: هل تسمع النداء بالصلاة؟ ، قال:نعم، قال: فأجب. » أخرجه مسلم في صحيحه. وقال عبد الله بن مسعود- رضي الله عنه-: « لقد رأيتنا وما يتخلف عنها إلا منافق معلوم النفاق » [رواه مسلم]. فاتقوا الله عباد الله في صلاتكم، وحافظوا عليها في الجماعة وتواصوا بذلك في رمضان وغيره تفوزوا بالمغفرة ومضاعفة الأجر، وتسلموا من غضب الله سبحانه وتعالى وعقابه ومشابهة أعدائه من المنافقين

أهم الأمور بعد الصلاة الزكاة : فهي الركن الثالث من أركان الإسلام، وهي قرينة الصلاة في كتاب الله- عزّ وجلّ- كما قال: { خُذ من أموالهم صدقةً تُطهِّرُهُم وتُزكِّيهم بها وصلِّ عليهم إنَّ صلاتك سكنٌ لهم والله سميعٌ عليم } [التوبة:103]،وقال النبي صلى الله عليه وسلم لمعاذ بن جبل- رضي الله عنه- لما بعثه لليمن: « إنك تأتي قوماً أهل كتاب فادعهم إلى شهادة أن لا إله إلا الله وأني رسول الله، فإن هم أطاعوك لذلك فأعلمهم أن الله افترض عليهم خمس صلوات في كل يوم وليلة، فإن هم أطاعوك لذلك فأعلمهم أن الله افترض عليهم صدقة في أموالهم تؤخذ من أغنيائهم وترد على فقرائهم، فإن هم أطاعوك لذلك فإياك وكرائم أموالهم، واتق دعوة المظلوم فإنه ليس بينها وبين الله حجاب » [رواه البخاري، ومسلم، وأبو داود] متفق على صحته

ينبغي للمسلم في هذا الشهر الكريم التوسع في النفقة والعناية بالفقراء والمتعففين، وإعانتهم على الصيام والقيام تأسياً برسول الله صلى الله عليه وسلم، وطلباً لمرضاة الله- سبحانه-، وشكراً لإنعامه، وقد وعد الله- سبحانه-: { وما تُقدِّمُوا لأنفُسكُم مِّنْ خَيْرٍ تَجدُوهُ عِندَ الِله هُوَ خَيْرًا وَأعْظَم أجْراً واسْتَغْفِرُوا الَلهَ إنَّ اللَهَ غَفُورٌ رََّحِيمٌ } وقال تبارك وتعالى: { وَمَا أنفَقْتُم مِّن شَيْءٍ فَهُوَ يُخْلفُهُ وَهُوَ خَيْرُ الرَّازقينَ } .. سورة سبأ:39

واحذروا- رحمكم الله- كل ما يجرح الصوم، ويُنقص الأجر، ويُغضب الرب- عزّ وجلّ- من سائر المعاصي كالربا والزنا والسرقة، وقتل النفس بغير حق، وأكل أموال اليتامى، وأنواع الظلم في النفس والمال والعرض، والغش في المعاملات والخيانة للأمانات وعقوق الوالدين، وقطيعة الرحم، والشحناء والتهاجر في غير حق الله- سبحانه وتعالى-، وشرب المسكرات وأنواع المخدرات، كالقات والدخان، والغيبة والنميمة والكذب وشهادة الزور، والدعاوى الباطلة والأيمان الكاذبة، وحلق اللحى وتقصيرها، وإطالة الشوارب، والتكبر وإسبال الملابس، واستماع الأغاني وآلات الملاهي، وتبرج النساء وعدم تسترهن من الرجال، والتشبه بنساء الكفرة في لبس الثياب القصيرة، وغير ذلك مما نهى الله عنه ورسوله.وهذه المعاصي التي ذكرنا محرمة في كل زمان ومكان، ولكنها في رمضان أشد تحريماً وأعظم إثماً لفضل الزمان وحرمته. فاتقوا الله أيها المسلمون واحذروا ما نهاكم الله عنه ورسوله، واستقيموا على طاعته في رمضان وغيره، وتواصوا بذلك وتعاونوا عليه

وصلى الله وسلم وبارك على عبده ورسوله نبينا محمّد وعلى آله وصحبه ومن سار على نهجه إلى يوم الدين. والسلام عليكم ورحمة الله وبركاته

ملاحظة : الكرت مش من تصميمي .. مجرد كتابة الاهداء عليه .. كل عام و انتم بخير

لهم خالص الشكر و التقدير

2007-09-11T18:04:00.000-07:00

السلام عليكم و رحمة الله بركاته

على مدى مراحل العمر بنقابل ناس كتير .. ممكن يكون لبعضهم الأثر في حياتنا

و على مدى مرحلتي الجامعية .. مر فيها ناس كان لهم الاثر فيها .. ناس فيهم الخير .. بعضهم ساعدني في دراستي .. و البعض وقفوا جنبي في مواقف كتير سواء بحسن أفعالهم معايا أو حتى بأبسط الكلمات الطيبة في فترات ضيقي

ناس يستحقوا الاحترام مع خالص الشكر و التقدير

مع نهاية دراستي الجامعية .. كان لازم اعترف بكرم أخلاقهم و أشكرهم و ادعي لهم بكل الخير

.. هـُم ..

ماما و بابا و أختي .. بدعواتهم لي دايما و خوفهم عليا .. ولا أنسى وجود أختي معايا فترة الامتحانات في نهاية السنة

صاحباتي .. مها عاشور , رقية محمد , نهى ماهر , ايناس ابراهيم , رولان , أميرة عيد , شريهان سعد , ايمان عمر , نهى محمود , علياء خيرت , ولاء سمير , وئام مدحت , شيماء أمان الله , ميران ممدوح , آية صدقي و هالة أبو الحمايل - المُعيدات

اخوانـي من المعيدين .. عمرو غنيم , محمد السعيد

جارتي .. انسانة طيبة و حنونة و مرحه .. كانت زي والدتي و زادت علاقتي بها أكتر في سنة رابعة .. دعيتلي في صلواتها مع كل وقت كانت بتدعي فيه لأولادها .. خافت عليا كتير .. لما كانت تعرف اني سهرانه في ليلة امتحان كان لازم تصحيني في معادي الصبح و هي نازله الشغل و لما أرجع تطمن عليا .. لو لاحظت انشغالي وشافتني مرهقة و متأخره في معاد الغدا - أيام امتحانات سنة رابعة - كانت تصمم تبعتلي من غداهم .. ما افتكرش اني هالاقي انسانة زيها كده تاني .. بحبها

من الدكاترة و باقي المعيدين .. دكتور هالة عبد الجليل , دكتور علياء يوسف , دكتور محمد حجاج , الباشمهندس أيمن عزت , و الباشمهندسة وسام

مع احترامي و تقديري لــ .. دكتور يحيى حلمي : عميد كلية الحاسبات و المعلومات , دكتور أحمد شرف الدين : وكيـل الكلية , و الاستاذه آمال في قسم شئون الطلبة

للأسف .. مش كلهم أقدر أوصل لهم كلماتي دي في الوقت الحاضر .. أتمنى من اللي يعرف منهم حد - أمانه - يبلـّغهم خالص شكري و احترامي

الله يبارك فيهم و يوفقهم لكل الخير في الدنيا و الاخره و يعطيهم العافية و يوهبهم السعاده و الفرح طول حياتهم .. اللهم آمين

النهاية .. نجاح و بداية

2007-09-09T15:48:00.000-07:00

بسم الله الرحمن الرحيم

كان مشوار طويل تحت اسم " مرحلة الدراسة الجامعية " .. نهايته كانت يوم 19 / 7 / 2007 يوم الخميس ظهرت نتايج سنة رابعة لكلية الحاسبات و المعلومات .. و لاني سافرت قبلها بيوم .. ما عرفتهاش الا برسالة ع الموبايل من صاحبتي .. الحمد لله نجحت صافي و اتخرجت بتقدير كويس يعتبر مناسب للمشوار ده

مش مصدقة اني خلصت من نظام التعليم الروتيني .. كتب و محاضرات و فحص لاساليب الدكاتره في الاسئله .. ده غير انه سنة رابعة كانت مميزه بدكتور عمري ما شفت زيه في حياتي و يارب ما اشوف .. له تفكير خاص عجيب و صعب تتوقعه .. يعني بحالات حالات و ماعندوش احترام لاي حد .. من ضمن اختراعاته في اسلوب تصحيح الامتحانات انه الامتحان يكون كله خيارات و كل خيارين غلط يلغي بالمقابل عنه خيار صح .. طبعا الناس بقت درجاتهم بالسالب ( - ) و قدمنا فيه شكاوي و المعيدين يحاولوا معاه و اخيرا انعم علينا بـخمس درجات و في الترم التاني درسنا ماده كنت خايفه امتحنها دور تاني من كتر اللي عمله معانا فيها .. يييييييييه مش عايزه افتكر هالايام .. الحمد لله رب العالمين .. خلصت على خير .. ابتديت المرحلة اللي اختار فيها بنفسي اللي احب أدرسه و اشتغل فيه ان شاء الله

ابتديت كلامي بالنهاية لانها الاهم .. و اللي استنيتها كتير .. مع انه البداية كان احساسها أحلى بكتير و عمره ما يرجع تاني .. من مرحلة الثانوي .. اتخرجت بنسبة 98,4 % قسم علمي .. و بالمعادلة في مصر و حذف مواد الدين وصلت النسبة لـ 97 % لانه باقي المواد برضو كانت درجاتها شبه كامله ما كنتش هادخل بها طب بشري ولا طب أسنان عشان نسبة الأماكن للطلاب كانت لا تتجاوز الـ 5 % من الوافدين العرب من خارج مصر

من زمان كنت باحلم أكون دكتورة أطفال .. بعدين قررت طب الاسنان .. و نتيجة التنسيق اني دخلت في كلية الحاسبات و المعلومات .. حبيتها و كنت ناوية آخد كورسات كمبيوتر مع الطب لو كنت انقبلت فيه .. قلت الخيره فيما اختاره الله و رفضت إلحاح بابا انه يقدم لي على كلية طب في جامعة خاصة

أظرف حاجة خدتها من جامعة حلوان – كلية الحاسبات و المعلومات - و من أولها كده .. انه ملفي وصل للكلية بدون ما يوصلني أي جواب ترشيح يعرفني أنا دخلت كلية ايه أصلا .. و الكلية عمــّـاله تحسب لي في الغياب و أنا مش عارفه أوصل حتى لمكتب الترشيح .. و تليفوناتهم زي اي تليفونات مكتب حكومي .. تيت تيت تيت

بعد شهرين من بداية الدراسة وصلني جواب بيقول اني في حاسبات ومعلومات .. رحت لهم و كان الرد انه نسبة الغياب للترم الاول عدّت الحد الاقصى لها و صرت محرومة من امتحانات الترم الاول .. لولولوليييي .. والله و أنا باكتب دلؤتي ضحكت .. يعني يغلطوا و أنا اللي أتعاقب !! مافيش اي مجال أقنعهم بالسبب لانه حتى الجواب تاريخه قديم بس تسليمه هو اللي اتأخر .. كان الحل الوحيد عشان ما تتحسبش سنة رسوب اني اقدم طلب التأجيل بعذر عن السنة كلها أو عن الترم الاول بس لو كنت عايزه .. كنت عارفه انه في الحالتين هاتكون سنة أولى مقسومه على سنتين و قررت أدخل الترم التاني على طول و أأجل الترم الاول بس

رحت زي الشاطره داخلة الترم التاني خبط لزق و كنت متخيله انه المواد اللي فيه مالهاش علاقة بالترم الاول .. و أنا اصلا ما كنتش أعرف أي حاجه عن الكمبيوتر قبل مرحلة الجامعة .. يعني لو حد قال لي اقفل كمبيوتر .. كان أبسط حاجه اني أشد كابل الباور و أجري
:D :D

لقيت ناس بتتكلم عن لغات برمجة و حاجات غريبة أنا مش فاهمه احنا بنكتبها وين و الناتج لها شكله ايه ؟ و ليه ؟ .. كانوا في الترم الاول أخدوا الباسكال على اعتبار انها لغة برمجة تعليميه هاتبني لهم الافكار الأساسية لأصول البرمجه .. و الترم التاني يكملوا عليها - بالباسكال - مادة الـ
Data Structure
كانت دكتور علياء هي اللي بتشرحها و رحت حكيت لها كل اللي حصل معايا .. ساعدتني و كانت طيبة و حبوبة جدا .. قالت للمعيدين يساعدوني .. الباشمهندس أيمن عزت شرح لي أهم اللي فاتني في الترم الاول عن المادة دي .. عمري ما انسى مساعدته هذه مع انها من واجبه لكن اخلاصه في شغله يجبر الناس كلها على احترامه .. الله يوفقه للخير و يسعده و يبارك فيه هو و دكتور علياء يارب

نجحت صافي في الترم الثاني ده بدون ما احضر الترم الاول .. جبت مادتين امتياز و 3 جيد جدا و الاجمالي كان نسبتي 84.4 % بفضل الله ثم بفضل مساعدتهم .. السنة اللي بعدها حضرت الترم الاول بس و نجحت فيه صافي بتقدير حلو الحمد لله برضو و قعدت الترم التاني فاضية

عدت سنة ورا سنة و اتغيرت ظروف معيشتي .. مريت بمرحلة صعبة عدت فيها سنة تالته .. اعتبرتها مرحلة فشل .. صعب على الانسان يكون ناجح من يوم ما اتولد .. عايش بتفكيره و خياله في عالم نقي جدا .. عمره ما عرف الهزيمة أو الغربة أو الوحده أو الحقد للغير أو الخبث و سوء الظن أو أي هم من هموم الدنيا الحقيقية على أرض الواقع و يفضل يعاند و يتخيل انه أكبر منها لحد لما يتكسر فجأه .. وقتها بيتهز كيانه و يحاول يجمع نفسه من جديد و يراجعها اكتر من مره

في وقت الشده بتعرف حقيقة كل اللي حواليك بجد .. حتى نفسك .. طعم الفشل مر و بتزداد مرارته لو كان لشخص النجاح جزء طبيعي جدا من حياته غير منفصل عنه .. شخص مكابر لدرجة ترفع تفكيره عن قبول اي فشل لنفسه حتى لو في خياله .. اعترف اني كنت هالشخص .. و ده غلط فيا خلاني احس بالفشل بوجع اكبر من حجمه الحقيقي .. مع انه اسبابه كانت خارج ارادتي لكني قسيت على نفسي كتير .. ما قدرتش اتقبله بهدوء يخليني قادره اغلبه .. كانت الدموع و الحزن هي الصاحب و الاهل .. وصلت في بعض الايام لدرجة الانطوائية و كنت اتمنى زمان لو مشيت بلوحة مكتوب عليها " انا مش فاشلة " .. من يوم ولادتي عندي ملف فيه شهادات تقدير لكل سنة دراسية بدون استثناء أو مبالغة .. حتى مرحلة التمهيدي اللي قبل الابتدائي لها كتاب صغير خاص بمستوايا فيها و ملاحظات المدرسات عني .. كلها مدح و تسجيل لمراحل تفوق كنت دايما اطلع فيها من الاوائل على الفصول .. حتى الثانوية العامة كنت فيها الثانية على كل فصول علمي و أدبي في مدرستنا بفرق درجة واحده عن الاولى .. كل ده عمر طويل خلاني انسى مصطلح الفشل من حياتي و الغلط اني لغيته من احتمالاتي

مع اي حزن بيمر به الانسان لازم يبعد وقتها عن الناس اللي ما تعرفوش من جواه او الغريبة عنه .. مش كل الناس هاتعرفك أو يقدّروا حالك .. و ده بطبيعة معيشتي كان متوفر ليا لاني في بلد و أهلي في بلد تانية .. صحيح انه جدي معايا في مصر لكن ما شاء الله عليه كان عمره فوق الـ80 سنه .. له اسلوب حياته الخاص ما بين النوم و الاكل و الصلاه و النوم تاني و ما بين كل لحظة صمت و التانيه فيه لحظة صمت .. اتوفى لما وصلت سنة رابعة الله يرحمه .. أما صاحباتي فبقوا في دفعة غيري – دفعة رابعة – و غيابهم كان كبير و انشغالهم اكبر بأهم سنة دراسية لهم .. كنت باتمنى في اوقات كتير اني ابكي في حضن أمّي و في نفس اللحظة أكون مـُصطنعه الابتسامه في وسط اللي أعرفهم من الدفعة الجديده .. افتكر مره كنت بامر بمشكلة والدنيا سودا في عنيا لكن قاعده ساكتة و هم كانوا بيتفقوا هانروح سينما امتى و فيلم السهره امبارح على قناة ام بي سي تو كان ايه ؟

من أسوأ المواقف انه الشخص يتعرف على ناس جديده في لحظات الحزن أو الاحساس بالهزيمة .. عشان فيه ناس كتير بتاخد الصوره الظاهره و ده من حقهم لانهم ما يعرفوش حاجه عنه .. و أحيانا بيبعدوا عنه لانه دي الصوره اللي خدوها عنه .. انه حزين او بعيد عنهم او ساكت .. مش الكل يقدر يفهم بعقله انها فتره صعبه على الشخص ده او يحاول يفهم سببها منه .. لكن الاسوأ لو حصل البعد ده من الاصحاب .. صحيح انه الحياه مشاغل لكن بالمقابل زادت فيها وسائل الاتصال و أصبحت أسهل .. يعني حتى لو الواحد كان راكب مواصلات يقدر - و لو بمسج - يبعتها من الموبايل يتطمن فيها على صاحبه

أيام احساسي بالانكسار بعد لما عدت سنة تالته .. كان التفكير السلبي مسيطر عليا لفتره .. و كنت باتخيل انه بعض صاحباتي بعدوا عني بسبب الموضوع ده .. لكن رجعت فهمت حقيقه مهمه .. انه لو ما كانش الصاحب جنب صاحبه في اصعب ايامه يبقى ما يستاهلش يكون صديق .. يعني لو كان فيه ناس بعدت عني بسبب رسوبي او كانوا يعرفوني بس وقت المصلحه .. هايكونوا ناس ما يستحقوش الزعل عليهم .. و انه الناس اللي قدّرت انها محنه مرّيت بها و عارفين اللي جوايا .. هم بس اللي يستاهلوا كل التقدير و اللي افتخر و افرح بمعرفتهم و صحبتهم في الخير

على رأي المثل " الضربة اللي ما تكسرك تقوّيك " .. و مع انه صدمة الفشل كانت كبيره عليا و كسرتني .. لكن فضل الله و رحمته بيا كان موجود .. كنت ابكي له و ادعيه خصوصا مع صلاة الفجر .. على قد ما كان الشيطان يشككني في رضاه عني و يخليني أقنط من رحمته .. على قد ما كنت باعاند اكتر و اقرب منه اكتر و أرجوه

ابتديت اشوف هموم الدنيا أكتر و اعرف انه مش نهاية الكون لما أعيد سنة دراسية مهما كانت .. صحيح هي عمر ضاع مني فيها لكن مجرد الاحساس السلبي و التفكير فيها هايوصلني للاسوأ و اللي كان ممكن – لا قدر الله – يضيع سنين اكتر من عمري و يخسرني نفسي

من ضمن المواقف اللي افتكرها اني كنت مع جدّتي - الله يرحمها – في معهد الاورام .. كانت مريضة بالسرطان و رحت معها جلسة الكيماوي اللي بتتعالج به .. عدد المرضى هناك مش طبيعي .. ناس كتيييير و كل واحد مستني دور علاجه .. كان فيه مرحلة علاج كيماوي و مرحلة علاج كهربائي .. يومها ما كنتش نايمه حوالي 4 او 3 ساعات و صحيت من الساعة 7 الصبح عشان ألحق لها دور بدري قبل كل الزحمة دي .. اللي شفته هناك كان صعب انساه .. مرضى بمرض صعب جدا و متعب و في الغالب بتكون نهايته الموت و برغم كل ده قاعدين و لا كأنهم في صالون كوافيره .. كل واحده بتكلم التانيه عن مرضها و باقي لها كم جلسه و اللي بيهزروا و يتريقوا على المرض و يضحكوا .. بجد ناس تفرح .. الله يشفيهم و يشفي كل المرضى يارب .. يعني مع كل الصعوبات اللي هم فيها و أوجاعهم دي بس كانوا شايفين الدنيا بصورة تانيه خالص .. من كتر ما استنيت جدتي كنت بانام على ايدي و انا قاعده على الكرسي .. لمحت بنت صغيره كان عمرها حوالي 3 سنين و شعرها كله وقع و أبوها لابس جلابية زي الصعايده و شكله فقير .. و من الناحية التانية برضو كان فيه ناس في حالة اكتئاب شديد – و جدتي من ضمنهم – لانه علاج الكيماوي لوحده بيغير حاجات كتير في طبيعة الجسم

الموقف ده عرّفني شكل الدنيا الحقيقي على اختلاف صورها .. هاجي أنا بعد كل اللي فات و أمسك لوحة مكتوب عليها " أنا مش فاشلة " و اتمنى امشي بيها بين الناس .. أو اخجل و أهرب من نظرات الدكاتره ليا و اللي كانوا عارفين مستوايا من سنه أولى ؟؟ حتى انشغال صاحباتي كنت باشوفه على انه بعد عني عشان رسوبي !! ليه هاعيش في انطوائية و احس اني نفسي اشرح لكل الناس حالة فشلي أو أسبابها ؟؟!! .. ليه ؟ و هايفيدني بايه ؟ جايز كنت هاحس اني فضفضت لكن كان هايفضل الضعف جوايا .. كان لازم أقوى و مهما مريت بلحظات صعبة أو ضعف أعرف انه الله سبحانه و تعالى قال : ان مع العسر يسرا .. و قال : عسى ان تكرهوا شيئا و هو خير لكم

لا كلام الناس كان هاينفعني و لا نظرات اللوم او حتى الشفقة .. وصلت لايام حسيت فيها اني عجوزه و انه عقلي كبر 50 سنة مره واحده .. طلعت من الاكتئاب و ابتديت اعاند نفسي في التفكير الايجابي .. الغربة و الوحدة مع ذكريات الفشل كانوا الكابوس اللي بيزورني من وقت للتاني عشان يهدني .. مره في مره رميته ورا ضهري للابد و قدرت بفضل الله سبحانه اني أرجع لنفسي من جديد بس المره دي و انا عارفاها كويس .. بدون مكابره على الفشل او على اي شي موجود في حقيقة الدنيا و واقعها .. هي مش كلها نجاح و فرحه و عالم مثالي .. شفت معانيها التانيه و بقيت عارفه ازاي أواجهها .. و لحد لما الانسان يموت هايفضل يتعلم .. و الاذكى هو اللي يتطور و يعرف يتعامل معها .. يجدد من نفسه و يمسح سلبيته او خوفه .. و يزيد من كل شي حلو جواه مهما كان بسيط يحافظ عليه برضو و يعرف انه كل هالدنيا اللي احنا عايشين فيها مالهاش اي قيمه .. و حتى لو عايز يكسب شي فيها يبقى يفتكر دايما اللي خلقها لانه برضاه عليه و قوة ايمانه اللي في قلبه مع اجتهاده هايوصل لكل اللي يتمناه بمشيئة الله وحده

ما رجعتش لنفس تقديراتي في سنيني الاولى ولا كان يهمني اي حاجه غير اني اخلص و اتخرج و اخد شهادتي .. و وصلت بفضل الله ليوم التخرج و نجحت صافي في سنة رابعة و ابتديت رحلتي في العالم الحقيقي من جديد .. عالم المسئولية و الحياه العامة

كسبت ناس طيبه من دفعات كتير أكبر و أصغر مني .. يمكن لو ما كنتش عدت سنة تالته ما كنتش هاعرفهم .. و عرفت و اتعلمت معاني اكبر في الدنيا دي يمكن ما كنتش هاتعلمها و لا اقدر أواجهها لو ما كنتش عشت أيام ضعفي

اللهم لك الحمد كما ينبغي لجلال وجهك و عظيم سلطانك

رغيت كتير في الموضوع ده و اختصرت في سطوره ايام كتير من عمري .. حبيت اسجل ذكرياتها هنا بحلوها و مرّها و أفضفض فيه

من يوم النتيجة و انا عايزه اكتبه لكن انشغلت بسفري و بتخليص أوراق شهادتي .. و دلؤتي باكتبه على اللابتوب و انا في اسكندرية و قدام البحر على طول في بلكونة في الدور الثامن

يوم الاربعاء 5 سبتمبر 2007 من الساعة 11 بالليل للساعة 3 صباحا .. شكل موج البحر روعه مع السحاب اللي في السما .. سبحان الله

مش هانسى أشكر كل الناس اللي كانوا جنبي في لحظات كتير من اللي احتجت لمساعدتهم فيها .. ما ينفعش أشكرهم في الموضوع ده .. لانهم يستاهلوا شكر خاص لهم في موضوع منفصل .. لما ارجع القاهره ان شاء الله و يكون النت شغال هانزل الموضوعين دول

الجو هنا بقى برد شوية و هاقوم أنام .. تصبحوا على خير
:)

Reply to Nesma ..

2007-06-07T15:57:00.000-07:00

بسم الله الرحمن الرحيم

الاسئلة دي بعتتها نسمة و طلبت مني أجاوب عليها

هم 28 سؤااااااال .. ابتدوا الرحله يلا
:D

1- how many advantages ( good qualities) u have ? ( just count )

مقدرش أحكم على نفسي .. بس اللي متأكده منها جدا هي صفه باحس اني مميزه فيها

~~~~~~

2- how many disadvan u have ? 3eobak ( just count )

2

~~~~~~

3- if u have to rename urself , wt ur name will be ?

زينة

~~~~~~

4- what do u want to reborn as ? ( smth 3'er el human y3ne )

خطر في بالي الطير الحر في السما بس لقيت الانسان ممكن يصيده و يقتله .. و خطر في بالي القطط الصغيره لاني باموت عليها و لقيت انها ممكن تتبهدل في الشوارع .. مالقيتش أحسن من الانسان بعقله و خلقة الله اللي ميـّزُه بها .. الحمد لله اني اتولدت انسان

~~~~~~

5-when u was a chiled , kont bt7lm tkon 2eh ? (if haven't any dream , skip thise )

كنت باتمنى أكون طبيبة أطفال بس لقيت انه دراسة الطب هاتكون 9 سنين .. فاتمنيت أكون دكتورة أسنان و في نفس الوقت آخد كورسات كمبيوتر لاني باحب المجال ده .. و في آخر الحال دخلت كلية حاسبات و معلومات مع كورسات كمبيوتر برضو
:D :D

~~~~~~

6- how many years u want to live ?

40

~~~~~~

7- how many people u really hurt ( 2zethom f3ln ) in ur life ?

مش لدرجة الأذيه .. بس حسيت اني جرحت شخص واحد زمان و الحمد لله اتراضينا و اتصافينا و ما بقاش فيه الا كل الخير

~~~~~~

8- how many people hurt u & thire behaviour change u to be worst ?

ما باحبش أفكر فيهم عشان الاحظ لو كانوا اتغيروا معايا للأسوأ ولا لا .. بس اللي معرفتش انسى ظلمهم كانوا خمسه .. اغلبهم ما بقاش ليا تعامل معاهم نهائيا و الباقي في الطريق لنهاية التعامل برضو .. الحمد لله

~~~~~~

9- as u have n number of disadv , would u like to change it all or part of it ? in another word , do u really regrets thise things?

أكيد باحاول اني أغير من عيوبي و في نفس الوقت صعب اني أغيرهم كلهم و أوصل لدرجة الكمال .. كلنا بشر و الكمال لله وحده

~~~~~~

10- ur best color (s) at max 3 colors ?

البنفسجي الغامق - الروز - الأحمر الغامق

~~~~~~

11- do u ever do somthing knowing it's a wrong ? or do u repeats the same mistakes ?

ممكن عملت حاجه كنت عارفه انها غلط .. لكن ما باكررش أغلاطي كتير

~~~~~~

12- if u promise to not do smth , will you do it for any reasons ?

لو وعدت بحاجه و اضطرتني الظروف اني لازم اخلفها يبقى هاروح الاول للشخصيه اللي وعدتها بالحاجه دي و أفهمها السبب و اكون متأكده انها رضيت تحلـّني من الوعد ده قبل ما أخلفه لاني مش بسهوله أوعد و لو وعدت بتكون عندي حاجه كبيره زي الحلف بالله مثلا

~~~~~~

13- would u die for someone ? (to really replace someone in death )? if yes how many ?

مفيش الحمد لله تعالى .. كل اللي باحبهم عايشين .. الله يبارك في عمرهم بالخير يارب

~~~~~~

14- would u die after someone ? (not physically death but it's end of ur life ).

اه .. 3 أشخاص

~~~~~~

15- if u have to take decision in smth , & u have thise considerations ur heart - ur brain - people - circumstances sort them according to thire Priorities for u ..

هارتبهم
ur heart - ur brain - people – circumstances
مع انه ترتيب العقل و القلب في مرحله واحده مع بعض في نفس الوقت .. و ساعات الظروف كمان ممكن تلغي أي ترتيبات الانسان ناويها

~~~~~~

16- The most natural scenes Affects you ?

الايام اللي بيكون فيها القمر بدر منور و السما صافيه جدا مع نجم الشمال منور أكثر حاجه من بين النجوم .. أو حتى فيه سحاب خفيف معاهم بنسمة هوا + لحظة شروق الشمس أو بعد العصر لما تكون الشمس هاديه و الجو حلو

~~~~~~

17- The last thing u wish to see before u dead , or the last one ?

أتمنى اني أشوف والدي و والدتي موجودين .. يعني يكون يومي قبل يومهم .. الله يحفظهم و يعطيهم العافيه

~~~~~~

18- what is in the top of ur dream list ? (mention at least one) ..

أقرب و أول حاجه باتمناها اني أخد شهادتي السنه دي على خير و اشتغل في مكان كويس

~~~~~~

19- mention two things from ur believes ( 7agat mn el donia like mbad2 mslan )?

* المسلم من سلـِـمَ المسلمون من لسانه و يده

* الدين المعاملة

* من فرج عن أخيه كربة من كرب الدنيا .. فرج الله عنه كربة من كرب يوم القيامه

* True Friends can see the pain in ur heart while Others believe the smile on ur face ..

* الحياه ممر عايشين فيه مهما طالت مسافته له نهاية محاسبين عليها .. يعني مش مستاهل أي شرور أو أحقاد .. أحلى ما في الحياه بساطتها و بسمتها و طفولتها .. لا نعيش في عالم وردي في الخيال ولا ننزل بها لعالم بشع أسود .. الواقعيه فيها باتزان و بساطه هي أحسن ما فيها

~~~~~~

20 - when u face a problem which make u feel lost , who is the first one u wish to see?

أمـّي

~~~~~~

21- what do u think in when u see thise words : (if it has special meaning for u )

Winter
الدفء مع الاهل و الصحبة الحلوه .. غير كده بيكون الشتاء بمعناه الحقيقي : البرد و القسوه و الكسل

Autumn
وقت ضايع

Summer
مشاغل الدنيا و زحمتها

Spring
الحياه و فرحة القلب

Night
الهدوء و الخوف أحيانا

Light
الأمل

closed window
الغـُربة

a baby cried
باحب أمسح دموعه و أفرّحه

chiled who ask people for mony in metro msln
الشفقه لو كان يستاهل .. و الاستغراب لحال الدنيا لو كان واخدها مـِهنه له

smth broken
هاحاول أصلحه و لو عجزت هاعترف انه كانت دي نهايته فعلا

empty street
لو بالنهار هاخده جري في كل مكان و أكون طفله بحرّيتي و استكشف كل حاجه فيه .. و لو بالليل و ظلمه يبقى هاستقر في ركن منه أو أروح بيتنا أحسن
:D :D

~~~~~~

22 ) life is a ... (life like wt in ur eyes just one reason for ur answer is enough)

جاوبتها قبل كده من ضمن المبادئ المقتنعه بها .. انها مجرد ممر ما يستاهلش نتعب نفسنا بحاجات مش كويسه فيه و احنا عارفين اننا ممكن نوصل في نهايته لجنـّه نعيمها أكبر من كل ده

~~~~~~

23) if u have the following 3 doors each one give u a chance for smth , which door u will choose :
1- doorA : door let u see ur future and take u there directly
2- door B : door will take u to the past ( but u will not chnage ur fate , just bt3esh el mady tany )
3- door C : door will make u change only one thing in ur life ( y7'lek t3'er 7aga w7da f mshklk w tfdl f ur current life)-- tell the reason for why u choose thise door :D it's important ..

هاختار الباب الثالث و أنا مش مقتنعه به جدا لاني مهما مريت بمشاكل باشوفها من جانبها السلبي و الايجابي و اخد منها الخلاصه اللي تفيدني و ارمي منها اللي يحطمني أو يرجع بيا لورا .. بارضي نفسي بها و اتفائل بأنه اللي جاي يكون خير من الله في كل أحواله ان شاء الله ..مش هايفيدني الباب الاول اني أعرف مستقبلي لانه في الحالتين هاعيشه .. ولا هايفيدني الباب التاني لانه معنى اني أرجع للماضي تاني يعني هارجع لحاجه انا مريت بها خلاص

~~~~~~

24 ) if u put in a situation which u have to choose one person form the following ( ur father or mather , ur baby sister,person u don't know ,ur self , ur love ) a ) u have to choose on of them to die b) u have to choose on of them to save the answer is to mention the one who u will choose and ur reasons for that not only ur choise ...

في الحالة الاولى .. هاختار نفسي .. صعب أختار أي حد منهم لاني هاتضايق و أتألم بعدها .. في الحالة التانية .. حاجه تحيــّر جدا .. فيه كذا شخص هاحتار ما بينهم .. الشخص المحايد هو " طفلي " .. انتِ مضيـّقه الخيارات أوي يا نسمه .. ايه السؤال اللي يضايق ده
:D :P

~~~~~~

25 ) r u from the kind of ppl who get optimistic or pessimistic from seeing something or someone ? if yes what is it ?

لا خاااااااااالص

~~~~~~

26 ) do u think that ppl missunderstand u alot ? if yes , give %

ممكن بنسبة 47 %

~~~~~~

27) if i told u to sort the ppl u really know & admire in ur life , then give urself a place between them , wt will be ur order ?( 1'st , 2nd .... n )

الرابعة

~~~~~~

28 ) finally , by which % u were sincerity in ur answers ?

اها .. بنسبة 95 %

~~~~~~

خــلــّـــصتهـــــــــــم

سؤال واحد لك يا نسمة .. قعدتي تكتبي و ترتبي فيهم قد ايـــــــــــــــــــــــه ؟!!؟
:D :D :S

شكــــرا لك يا نســّوم
:)

بقـيت العَـمــّـه زوز :D

2007-06-03T10:46:00.001-07:00

السلام عليكم

بقالي أيام فرحانه من بعد ما أخويا الله رزقه ببنت .. الحمد لله .. اليوم صار عمرها 4 أيام بالضبط .. مولوده يوم الأربعاء اللي فات بتاريخ 30 / 5 / 2007 م. خصوصا انها أول مولوده في أسرتنا يعني أول حفيدة لبابا و ماما.. و أنا باحب جداااااا إنه أول الاطفال يكون بنت

كانت أحلى فرحه و أنا راجعه في طريقي من الجامعة للبيت بعد امتحان لمادة

Software Engineering 2 - UML - Final Exam - 4th Year

وصلتني رسالة على الموبايل بأحلى خبر .. و شفت صورتها
:)

وحشوني جدا و محتاره في الهدية اللي اشتريها للمولوده لما أسافر لهم ان شاء الله .. غير الهدوم و اللعب المعروفه

مع كل تعليق تكتبوه حاولوا تقولوا فكره لهديه حلوه .. و اللي يحط الهديه نفسها مع التعليق يبقى خير و بركه

:D :D :P

الله يحفظها و يبارك فيها بالخير يارب

جميعنا .. يريد هذا الحب

2007-06-03T06:01:00.000-07:00

بسم الله الرحمن الرحيم

القصه و التعليق عليها منقول من مجموعة د. طارق فاروق .. وصلتني بالايميل و عجبتني فــنقلتها

ذات صباح مشحون بالعمل وفى حوالي الساعة الثامنة والنصف دخل عجوز يناهز الثمانين من العمر لإزالة بعض الغرز له من إبهامه وذكر انه في عجلة من أمره لأنه لديه موعد فى التاسعة

قدمت له كرسيا وتحدثت قليلا وأنا أزيل الغرز واهتم بجرحه سألته اذا كان موعده هذا الصباح مع طبيب ولذلك هو فى عجلة ؟ أجاب : لا.. لكني أذهب لدار الرعاية لتناول الإفطار مع زوجتي

فسألته عن سبب دخول زوجته لدار الرعاية ؟ فأجابني : إنها هناك منذ فترة لأنها مصابة بمرض الزهايمر- ضعف الذاكرة - وبينما كنا نتحدث انتهيت من التغيير على جرحه .. وسألته : وهل ستقلق زوجتك لو تأخرت عن الميعاد قليلا ؟ فأجاب : إنها لم تعد تعرف من أنا.. إنها لا تستطيع التعرف عليّ منذ خمس سنوات مضت

قلت مندهشاً: ولازلت تذهب لتناول الإفطار معها كل صباح على الرغم من أنها لا تعرف من أنت ؟!!؟ ابتسم الرجل وهو يضغط على يدي وقال: هي لا تعرف من أنا .. ولكني أعرف من هي

اضطررت أن أخفي دموعي حتى رحيله وقلت لنفسي : هذا هو نوع الحب الذي أريده فى حياتي

نحن جميعا نريد هذا الحب فى حياتنا.. نريد ان يحبنا من حولنا هكذا.. والدينا، واخواننا، واصدقاؤنا وأهلنا وابناؤنا

اللهم ارزقنا حبـّك و حب من يحبـّك

2007-05-21T09:14:00.000-07:00

السلام عليكم و رحمة الله و بركاته

Fakkart a3mel el blog de mn zman bs mkansh fe baly ay topics aktebha feha ..

3maltaha yom el 2arba3 (Wednesday) 16/5/2007 abl el Final Exams :D
mafesh a7san mn keda monasba :D :P

لقيت انها من ضمن الفرص ليا بعد لما أسافر ان شاء الله اني أكون على اتصال معكم .. صعب اني أنسى مرحلة الجامعة دي بكل ما فيها .. ولا أنسى ناس كتير - فيهم الخير - عرفتهم منها
:)

الله يديم الأخوّه و المودّه ما بيننا و يجمعنا دايما بالخير يارب

(f)

.ஐღ. Zo0oZ .ღஐ.

طـنـّـش همومك و فوّض أمرك لله

لا تنظر أسفـل قدمـك

YOU still can .. if YOU believe

! والله عيب عليكي يا .. كذبة الفيس بوك !

هديـة رمضــان 1431 هـ

** و ذكــّـر **

كافيه ستار بكس .. StarBucks Coffee

الجزمة الطايرة .. من نصيب بوش

فضل العشر الاوائل من ذي الحجّــة

فيكم الخير يا جامعة حلوان

تخاريف الـ فيس بوك :(

مدرسة .. جامعة .. ومُـفتـرق طـرق

Melody Trix

سؤال ع السريع .. بس مهم

مسرحية بودي جارد .. مسرحية هابطـه

مُـختـارات انتـرنتـــ 1 ــيـّة

Tag

لم ينتهي صيامنا بنهاية رمضان

AntiSex Group

لسه الدنيا فيها خيــر

رؤية ليلة القــدر

حرامـي .. قـنـوووع جــداً

مختــارات رمـضانيـّـة

فضل صيام رمضان و قيامه

لهم خالص الشكر و التقدير

النهاية .. نجاح و بداية

Reply to Nesma ..

بقـيت العَـمــّـه زوز :D

جميعنا .. يريد هذا الحب

و ذكــّـر